မေမေ့ကိုပဲ တိုင်တည်ရဦးမယ်…

မေမေ…

တခုခု ဆိုရင်လေ…

မေမေ…

ကျနော့်မှာ ခိုလှုံစရာ ဆိုတာက မေမေပဲ ရှိခဲ့ဖူးတာကိုး… ဘ၀မှာ….

ငယ်ငယ်တုန်းက

ကျနော် အမှား လုပ်မိတဲ့အခါ

အဖေ့ကြိမ်လုံးအတွက် ခိုလှုံစရာ

အမေ့ ထမိန်ပဲရှိပါတယ်….

ကျနော့်ကို အဖေရိုက်တဲ့ အခါ…

အမေ့ ထမိန်စကို ဆွဲထားတဲ့ သားကို…

ဟိုးတခါ… စစ်ထောက်လှမ်းရေးတွေ…. အမေ့ကို ဆွဲသွားကတုန်းလိုမျိုး….

အမေ့ ထမိန်စကို အမေ ဆောင့် မဆွဲသွားဘူး….

အမေ့သားလေး…

အဖေ့ တုတ်ချက်တွေကို ဘယ်လောက်ကြောက်တယ်ဆိုတာ အမေသိတယ်…

ကျနော်က

အမှားအယွင်း သိပ်လုပ်တာမဟုတ်ဘူး…

လိမ်လိမ်မာမာနေတဲ့ သား…

အမေ့သားကြီးလို မဆိုးဘူး…

အမေသိပါတယ်…

ဒါမယ့် …

တခါတခါလည်း

ကျနော် မှားပါတယ် မေမေ…

ခုတော့ ကျနော့် အမှားတွေအတွက်

ကျနော့်ဘာသာပဲ

လွင်တီးခေါင်ထဲမှာ ရပ်နေရပါတယ်…

အဖေလည်း

လာမရိုက်တော့ဘူး….

လောကကြီးကပဲ ကျနော့်ကို ရိုက်မှာပါ မေမေ…

ဆွဲစရာ မေမေ့ ထမိန်စလည်း အနားမှာ မရှိ…

ပြေးစရာလည်း မြေက မရှိ…

မေမေ…

ကျနော် အရိုက်ခံရတော့မယ်…

ကျနော် အရိုက်ခံရတော့မယ်… မေမေ…

(အောင်သာငယ်)

ရင်ထဲမှာ နင့်လွန်းလို့ ကိုအောင်သာငယ် ဆီက ခွင့်တောင်းပြီး နှလုံးသားချင်း တူနိုင်သူများအတွက် ပြန်လည် ဝေမျှလိုက်ပါတယ်ခင်ဗျာ။

ယူစေတော့

ငါ့မှာ ဘာမှ မရှိဘူး
ကောင်မလေး ရယ်။
ငါ့ တသက်လုံး စောင့်စည်းလာတဲ့
သစ္စာတွေကိုပဲ
နင် ထပ်ယူပါနော်။

ဆုတောင်း

ငါ မြက် ဖြစ်ချိန်
နှုတ်ယူဖို့ ကြိုးစားတဲ့ သူတွေ၊
မုန်တိုင်းမှာ မင်းတို့ စပါးတွေ
သက်စိုးရှည်ပါစေ………………။

ဝမ်းနည်းမှတ်တမ်း

Photobucket

ကျွန်တော် အမိမြန်မာ နိုင်ငံကို ပြန်ရောက်တဲ့ နေ့မှာပဲ သတင်းဆိုး တစ်ခုကို ကြားခဲ့ရ ပါတယ်။ လေဆိပ်မှာ ရှိနေတုန်း အဲယားလိုင်း ကတာဝန်ရှိသူ တစ်ဦးက ကျွန်တော့်ကို အပြေးအလွှား လာအကြောင်းကြား တာပါ။ ကျွန်တော့် အပေါ် အဖေလို၊ ကျွန်တော့်ဘက် ကလည်း ဖခင်တစ်ယောက်လို ချစ်ခင် ဆက်ဆံ ခဲ့တဲ့ ကျွန်တော့်ရဲ့ ယောက္ခထီး ကွယ်လွန်ဆုံးပါး သွားခဲ့ပါတယ်။ လက်ဆွဲအိတ် တွေကို လေဆိပ်မှာ ကျွန်တော်ထုတ်ဖို့ စောင်းဆိုင်းနေချိန်မှာ သူ့ကိုလည်း အသုဘချဖို့ ပြင်ဆင်နေပါတယ်။ ကျွန်တော်လည်း အကြောင်းကြား ချက်ကို ကြားသိရ ရချင်း လက်ဆွဲအိတ် တွေကို မယူပဲ အပြင်ကို ချက်ချင်းထွက်လာ ခဲ့လိုက်ပါတယ်။ အပြင်မှာ ကျွန်တော့် အဖေနဲ့ အမေရယ်၊ နောက်တခြား မိတ်ဆွေ ၂ ယောက်လောက် က ကျွန်တော့်ကို ကြိုနေပါတယ်။ မထင်မှတ်ပဲ ရုတ်တရက် ကြီးဖြစ်သွားလို့ ကျွန်တော် မယုံမကြည်နဲ့ မေးကြည့်ဖြစ် ပါသေးတယ်။ ကျွန်တော် ပြန်အလာကို စောင့်ရင်း ကျွန်တော် ပြန်ရောက်တဲ့ နေ့မှာပဲ သူထွက်ခွာသွားခဲ့ပါတယ်။ သူ့မှာ ဆီးချိုအပြင်၊ ဆီးချိုဆေးတွေ သောက်ရင်း ရလာတဲ့ ကျောက်ကပ်ရောဂါ ရှိပါတယ်။ ကျောက်ကပ်ကို လည်း ၅ ခါ အရင်က ဆေးခဲ့ဖူးပါတယ်။ ကျောက်ကပ်ဆေးပြီး နောက်ပိုင်း လူကောင်းတစ်ယောက် နီးပါး ပြန်ကောင်းသွားခဲ့ပါတယ်။ အခု တစ်ခေါက်ကလည်း ကျောက်ကပ်ပဲ ပြန်ဖောက်လာတာပါ။ ရန်ကုန်ဆေးရုံကြီး ကိုတင်ပြီး ကျောက်ကပ် ထပ်ဆေးပါတယ်။ ၁ ခေါက်ဆေးပြီး တော်တော်သက်သာ သွားပါတယ်။ လူကောင်းတစ်ယောက် နီးပါး ပြန်ဖြစ်သွားပါတယ်။ သူဆုံးမယ့် နေ့ကလည်း ကျောက်ကပ်ဆေး နေရင်း အသက်ရှုရပ်သွားတာပါ။ သူကျောက်ကပ် မဆေးခင် အချိန်မှာ သွေးပေါင်တွေ တော်တော်ကျ နေပါတယ်။ သွေးသွင်းဖို့ သွေးထုပ်တွေ အဆင်သင့် လုပ်ထားပေမယ့် သွေးမသွင်းခင် ကျောက်ကပ်ကို ဆေးကြပါတယ်။ ခဏအတွင်းမှာပဲ သူဆုံးသွားခဲ့ပါတယ်။ ဆေးရုံကြီးမှာ သေဆုံးသူတွေကို ဆေးရုံကြီးက လွယ်လွယ်ကူကူ ထုတ်ဖို့ခဲယဉ်းတာ အားလုံးသိပါတယ်။ သူ့ကိုတော့ ချက်ချင်း လွယ်လွယ်ကူကူ ထုတ်ခွင့်ပေးခဲ့ပါတယ်။

ကျွန်တော့် ခေါင်းထဲမှာ မေးခွန်းလေး တွေနည်းနည်း ရှိလာပါတယ်။ ဆရာ ဒေါက်တာဝင်းသိန်းကို မေးမြန်းကြည့်ဖို့ စိတ်ကူးတွေလည်း ရှိနေပါတယ်။

နှစ်မကူးခင် ရေးတဲ့စာ

heart Pictures, Images and Photos

ကောင်မလေးရေ…

နင်နဲ့ ငါနဲ့ခွဲနေရတာ
သတင်းပတ်တွေလည်း တော်တော်တောင်
လွန်ခဲ့ပြီနော်။
နင်နဲ့ ဝေးနေရတဲ့ နေ့တိုင်း နင့်အပေါ် ငါအမြဲ
သတိရနေပါတယ်။
သတိရတဲ့ အချိန်တိုင်းလည်း နင်နဲ့ ငါ့ဘ၀အတွက်
အမြဲတမ်း တောင်းဆုပြုပါတယ်။
ငါတို့ဘ၀တွေ ခိုင်မာလာဖို့နဲ့
ရင်ဆိုင်နေရတဲ့ သောကတွေကနေ ကင်းဝေးဖို့
ငါတို့ အရှင်ဆီကနေ ငါအမြဲတမ်း တောင်းခံနေပါတယ်။

ကောင်မလေးရေ…

ဒီနေ့က နှစ်ဟောင်းကုန်မယ့် နှစ်သစ်မကူးတကူး ညနော်။
အားလုံးက ပျော်နေကြပေမယ့် (အားလုံးလည်း ပျော်ရွှင်ကြပါစေ။)
နင်နဲ့ ဝေးနေရတဲ့ ငါ၊
အဝေးကနေ နင့်ကို သတိရနေပါတယ်။
နင့်အပေါ် လွမ်းဆွတ်နေပါတယ်။
လာမယ့် နှစ်မှာ ငါတို့ နှစ်ယောက် ပြန်ဆုံကြရအောင် ကောင်မလေးရယ်။