အချစ်ကို ညီမျှသော Hotel Life

ကျွန်တော်ရဲ့ ပျောက်ဆုံးသွားတဲ့ ဘလော့ဂ်လေးက ပို့စ်အဟောင်းလေးကို ပြန်လည် ထိန်းသိမ်းတဲ့ သဘောနဲ့ ပြန်တင်လိုက်တာပါ ခင်ဗျာ။ ကျွန်တော် တန်ဖိုးထားတဲ့ အချစ် နဲ့ ကျွန်တော် ပျော်ရွှင်ခဲ့ရတဲ့ Hotel Life ရဲ့ ဆက်နွယ်မှုလေးကို ဖော်ထုတ် တင်ပြထားပါတယ် ခင်ဗျာ။ ဆက်လက် ဖတ်ရှုပေးပါ……

လူသည် ဘ၀၏ ၀န်ထမ်းဖြစ် ပါ၏။ ထို့အတွက်ကြောင့် အချစ်သည်လည်း Marketting Assistant ဖြစ်ပါ၏။ မိမိနှလုံးသားနှင့် ကိုက်ညီမည့် စားသုံးသူအား ရှာဖွေရပါ၏။ စိတ်ကျေနပ်စေရန် ၀န်ဆောင်မှု ပေးရပါ၏။ ဤသို့ဖြင့်ပင် ဘ၀၏ ပါတနာကို ရှာဖွေပေးရပါလေ၏။

တဖန် အချစ်သည် Chief Cook ဖြစ်ပေးရပြန်၏။ ရရှိထားသော ပါတနာအား ပင်ပန်းနွမ်းနယ်မှု မရှိစေရန် Kitchen အတွင်း တာဝန်ထမ်းဆောင်ရ၏။ ဟင်းလျာများကို စီမံခန့်ခွဲရ၏။ လှီးဖြတ်ရ၏။ ချက်ပြုတ်ရ၏။ ကံအားလျှော်စွာ ဈေးသို့သွားရ၏။ ဟင်းလျာများကို စီမံခန့်ခွဲရန်အတွက် ဖြစ်ပါ၏။

အချစ်သည် Steward ဖြစ်ပြန်လေ၏။ အဘယ့်ကြောင့် ဆိုသော် ရေစိုများသော လက်သည် ပဲကြီးခွံ ထတတ်၏။ ရေ၀ဲစားတတ်၏။ အချစ်သည် ထိုသို့ဖြစ်ခြင်းအား အားပေးခြင်း မရှိ။ မိမိနှလုံးသား နှင့် ကိုက်ညီပေးသူ (စားသုံးသူ) အား ထိုသို့သော အဖြစ်မျိုးမှ လွတ်မြောက်စေ၏။ အချစ်သည် တခါတရံလည်း ပန်းကန်ဆေးရလေ၏။ ထို့အတွက် ကြောင့်ပင် အချစ်တွင် ပဲကြီးခွံ ထလာလေ၏။

Laundry Stuff တွင် အချစ်လည်း ပါဝင်ပါ၏။ ဘ၀၏ အညစ်အကြေး များနှင့် အတူ စားသုံးသူ၏ အ၀တ်များကို ရောနှော လျှော်ဖွပ်ရ၏။ ပဲကြီးခွံ များကို ဆက်လက် မွေးမြူရ၏။ ရေဆွဲရ၏။ အ၀တ်လှန်း ရ၏။ ထိုသို့ဖြင့်ပင် ဖွေးဖြူသော အချစ်များကို ဆက်လက် တိုးပွားစေ လေ၏။

Housekeeping အလုပ်များ နှင့်လည်း အချစ်သည် ကျွမ်းဝင် ရပြန်၏။ ကြမ်းပြင်၏ ဖုန်များအား နှလုံးသားတွင် တင်နေသည့် အလား သုတ်ခါရ၏။ အိပ်မက် များ၏ လမ်းတစ်ခု (သို့) အိပ်ယာခင်း တစ်ခုတည်းအား ကျနစွာ ခင်းပေးရ၏။ ခေါင်းအုံး၊ ခြင်ထောင်၊ စောင် စီစဉ် ပေးရ၏။ နောက်တစ်နေ့ အတွက် ခရီးဆက်ကြရလေ၏။

လူသည် ဘ၀၏ ၀န်ထမ်းဖြစ်ပါ၏။ ထို့အတွက်ကြောင့် အချစ်သည် နောက်ဆုံးတွင် Receptionist ဖြစ်ရလေတော့၏။ တိုးပွားလာမည့် တဆင့်ခံ စားသုံးသူများ အား ကြိုဆိုရလေ၏။ ရှာဖွေ ရရှိလာသော ၀င်ငွေများအား စုဆောင်း၊ ထိန်းသိမ်း၊ ကြပ်မတ် ရလေ၏။ သို့သော် နောက်ဆုံးတွင် အချစ်သည် အချစ်မှ အပ လိုလားချက် ကင်းလေရာ အရာ အားလုံးအား အချစ်လက်သို့ (၀ါ) ပါတနာအရင်း ခေါက်ခေါက် လက်သို့ပင် ပေးအပ်လိုက် ရလေတော့၏။

သို့ဖြစ်ရာ အချစ်နှင့် Hotel Life သည် ဆက်နွယ်လျှက် ရှိနေတော့ လေသတည်း။

WordPressing နှင့် Blogspotting

ကျွန်တော် ထင်သလောက် မြန်မာပြည်မှာ WordPress သုံးစွဲသူဦးရေ နဲ့ Blogspot သုံးစွဲသူဦးရေမှာ Blogspot သုံးစွဲသူ Blogger အရေအတွက်က ပိုများမယ်လို့ ထင်ပါတယ်။ များသောအားဖြင့် Blogging လောကကိုလည်း Blogspot ကနေပဲ အစပြုပြီး ရောက်လာကြတယ်လို့ ထင်ပါတယ်။ WordPress ထက် အရင်ပေါ်ခဲ့တာ ဖြစ်သလို၊ သုံးစွဲရတဲ့ နေရာမှာလည်း လွယ်ကူတဲ့အတွက် စားသုံးသူ တော်တော်များများကို ညှို့ငင်ဆွဲဆောင်နိုင်ခဲ့ပါတယ်။ အခုအချိန်မှာ Blogspot ကို ဘန်းထားတာတောင် ဇွဲကြီးကြီး၊ သံယောဇဉ်ကြီးကြီးနဲ့ အံကြိတ်ပြီး Blogspot နဲ့ ဖန်တီးနေတဲ့သူတွေ မရေမတွက်နိုင်လောက် အောင်ကို ရှိနေပါသေးတယ်။ ကျွန်တော်လည်း ဘလော့ဂ်ရေးမယ်လို့ စိတ်ကူးမိတဲ့ အချိန်မှာ Blogspot နဲ့ ဘလော့ဂ် လေး တစ်ခု စတင်ဖန်တီးမိပါတယ်။ သူများတွေ ရေးနေတာကို ကြည့်ပြီး အားကျရင်းနဲ့ အဲ့ဒီ Blogspot မှာ ဘလော့ဂ်လေးတစ်ခုကို ဖန်တီးပြီး ကြောင်တောင်တောင် ပို့စ်လေးတွေကို တင်မိပါတယ်။ ဒါပေမယ့် အဲ့ဒီ တစ်ရက်၊ နှစ်ရက် အတွင်းမှာပဲ ကျော်ခွရတဲ့ ဒုက္ခနဲ့ ကော်နက်သေ ရဲ့ ဖိစီးမှုကို မခံနိုင်တဲ့အတွက် အဲ့ဒီ ဘလော့ဂ်လေးကို အဲ့ဒီ အတိုင်းပဲ ပစ်ထားလိုက်မိပါတယ်။ အခုအချိန်ထိလည်း အမှတ်တရ အဖြစ် ကျွန်တော် ထားထားပါတယ်။ အဲ့ဒီနောက်မှာမှ ကျွန်တော့်ရဲ့ မိတ်ဆွေသူငယ်ချင်း မောင်သားဖြိုးနဲ့ တွေ့လို့ သူ့ကို အကူအညီ တောင်းရင်းက သူရဲ့လမ်းပြသင်ပေးမှုနဲ့ WordPress ကို ရောက်ခဲ့ပါတယ်။ အဲ့ဒီ WordPress နဲ့ပဲ ကျွန်တော့်ရဲ့ ပထမဆုံး ဘလော့ဂ် လေးကို ဖန်တီးဖြစ်ခဲ့ပါတယ်။ အဲ့ဒီလို WordPress ကို သုံးမိတဲ့ အချိန်ကစပြီး သံယောဇဉ်ကြီးကြီးနဲ့ WordPress အပေါ် စွဲလန်းခဲ့ပါတယ်။ mmwordpress က ကိုသင်္ကြန်တို့ရဲ့ ကူညီပံ့ပိုးမှုအပါအ၀င် WordPresser သူငယ်ချင်းများစွာရဲ့ လက်တွဲခေါ်ယူမှုနဲ့အတူ WordPress ကို သုံးရင်း WordPress နဲ့ ပတ်သက်တဲ့ အသိပညာလေးတွေကို ထပ်မံ ဆည်းပူးခွင့်ရခဲ့ပါတယ်။ နောက်ပြီး ကိုဘလက် တို့ဦးစီးတဲ့ mmgenius (WordPress MU) မှာ WordPress ဘလော့ဂ် ရယူခဲ့ပြီး မသိသေးတဲ့ အရာတွေကို မေးမြန်းနာယူရင်းနဲ့ WordPress ရဲ့ အရသာ ရှိမှုကို ထပ်မံ ခံစားသိမြင်ခဲ့ရပါတယ်။ အဲ့ဒီနောက်ပိုင်းမှာ ကျွန်တော့် မိတ်ဆွေ ဘလော့ဂါ တော်တော်များများကို WordPress သုံးစွဲဖို့ ဖိတ်ခေါ်ခဲ့ပါတယ်။ WordPress မှာ ဘလော့ဂါလို မဟုတ်ပဲ hosting ပြသနာ ရှိပေမယ့် သုံးစွဲရတဲ့နေရာမှာ Professional ဆန်ပါတယ်။ Free hosting နဲ့ WordPress MU တွေ သုံးရင် အနည်းနဲ့ အများ ပြသနာ ရှိပေမယ့် ကိုယ်ပိုင် hosting ၀ယ်သုံးမယ် ဆိုရင်တော့ WordPress ဟာ ထူးခြားတဲ့ အနှစ်သာရတွေကို ပေးစွမ်းနိုင်ပါတယ်။ အခုအချိန်မှာတော့ WordPress ကို စမ်းသုံးချင်တဲ့ မိတ်တွေတွေ အတွက် MyanmarPress က WordPress MU Blog service ပေးနေသလို Myanmar WordPress ကနေလည်း WordPress Software 3.1.1 ကို မြန်မာဘာသာ အဖြစ် ပြန်ပေးလိုက်ပါတယ်။ ဒါပေမယ့် ဘယ်လို စိတ်ဓါတ်နဲ့ မှန်းမသိ အဲဒီဆိုဒ်ကို ဘန်းထားပါတယ်။ လေ့လာလိုသူ ရယူသုံးစွဲသူတွေ အတွက် ထုံးစံအတိုင်း ကျော်ခွပြီးတော့ သွားရောက် ကြည့်ရှုနိုင်ပါတယ်။ နောက်ပြီး WordPresser တွေအတွက် အသုံးဝင်ပလဂ်အင် ဧရာဝဗ်ကစ်တ် ကိုလည်း ဧရာဖောင့်နဲ့ ဖန်တီးပေးထားပါတယ်။ မြန်မာဘာသာ WordPress 3.1.1 ကို သုံးစွဲခြင်းဖြင့် မြန်မာဘာသာကို မည်သည့်နေရာ မည်သည့် စက်မှမဆို ကောင်းမွန်စွာ ဖတ်ရှုနိုင်မှာ ဖြစ်ပါတယ်။ အားလုံးပဲ WordPress ကို အရသာမြိန်မြိန်နဲ့ စားသုံးနိုင်ကြပါစေ ခင်ဗျာ။

G- Talk ခြင်း နှင့် B- Blogging

ပို့စ်တိုင်တယ်လ် ကို ဖတ်မိပြီး ကျွန်တော်ရဲ့ မိတ်ဆွေဟောင်းတွေလည်း ကျွန်တော်တို့ အရင်ရေးခဲ့ကြတဲ့ တဂ်ပို့စ်အဟောင်း ဂျီတော့ခ်ချည်း သုံးမယ့်အစား ဘလော့ဂ် တင်ပါလားကို သတိရမိကြမယ်ထင်ပါတယ်။ ဒီ ပို့စ်လေးကိုလည်း တဂ်ပို့စ်လေး အဖြစ်ပဲ ကျွန်တော် ထပ်မံရည်ရွယ်ချင်ပါတယ်။ ဂျီတော့ခ်မှာ စကားပြောခြင်း အတတ်ပညာ နဲ့ ဘလော့ဂ်ဖန်တီးခြင်း အတတ်ပညာ တွေရဲ့ ကွာဟမှုကိုလည်း ဖလှယ်ချင်တဲ့ ဆန္ဒလေး တစ်ခုလည်း ပေါ်ပေါက်လာရတဲ့ အတွက် ဒီပို့စ်လေးကို ရေးမိပြီး တဂ်ဖြစ်သွားတယ် ထင်ပါတယ်။ ဟုတ်ကဲ့ပါ ခင်ဗျာ။ ဂျီတော့ခ် သုံးစွဲဖို့ အတွက် လိုအပ်ချက်ဘာတွေ ရှိမလဲဆိုတာ ကျွန်တော် လက်လှမ်းမှီသလောက် ပြောချင်ပါတယ်။ တစ်အချက် အနေနဲ့- ကိုယ်ပိုင်ကွန်ပျူတာ မလိုပါဘူး။ ရန်ကုန်မြို့ရဲ့ အင်တာနက် ဆိုင်တိုင်းလိုလိုမှာ ဂျီတော့ခ် အင်စတော လုပ်ပြီးသားရှိပါတယ်။ နှစ်အချက်အနေနဲ့ ဂျီတော့ခ်သုံးစွဲဖို့အတွက် ကွန်ပျူတာနဲ့ ပတ်သက်တဲ့ အတတ်ပညာ များများစားစား မလိုပါဘူး။ မောက်စ်ကိုင်တတ်ပြီး Screen က Arrow ကို ကြည့်တတ်ရင် လုံလောက်ပါတယ်။ သုံးအချက်အနေနဲ့- အကောင့်ဖွင့်တတ်ဖို့လည်း မလိုပါဘူး။ ၂၀၀ ပေးရင် ဆိုင်တွေက အကောင့်ဆားဗစ် ပေးကြပါတယ်။ ဟုတ်ပါပြီ။ ဂျီတော့ခ်ကိုပဲ ကမ္ဘာတစ်ခုအဖြစ် သတ်မှတ်ထားကြတဲ့ ကျွန်တော်တို့ မြန်မာနိုင်ငံက လူကြီး လူငယ် လူလတ် တွေ အားလုံး ဂျီတော့ခ်မှာ လူပေါင်းမြောက်များစွာနဲ့ ချက်တင်လုပ်ကြရင်း အရိုးဆွေးကြရပါတယ်။ အင်တာနက် ဆိုတဲ့ ကမ္ဘာရွာကြီးဆိုတာဟာ သူတို့ အတွက် ဂျီတော့ခ်မှာပဲ အဆုံးသတ်ကြပါတယ်။ အလွန့် အလွန် ကံကောင်းတဲ့သူတွေသာ Googling နဲ့ နီးစပ်ကြရပါတယ်။ တကယ်လိုအပ်လို့ သုံးစွဲနေတဲ့ G-talker တွေလည်း ရှိကြပါတယ်။ ၀ါးလုံးတစ်လုံးနဲ့ ကျွန်တော် သိမ်းကျုံးရိုက်နေတာ မဟုတ်ပါဘူး။ သုံးတတ်ရင် ဘယ်အရာမဆို အများကြီး အကျိုးရှိပါတယ်။ ကျူဖို့ ငြူဖို့ လောက်သာ G-talk ကို သုံးစွဲနေကြရင် အချိန်တွေသာ ကုန်သွားမယ်၊ ကိုယ်လည်း ဘာမှ မဖြစ်လာနိုင်သလို ကုန်သွားတဲ့ အချိန်တွေဟာလည်း အများကြီး နှမြောဖို့ ကောင်းပါတယ်။ အဲ့ဒီ ကျူဂရုပ်(ကျူနေသူများ အုပ်စု) တွေလည်း မိမိတို့ ကျူနေတဲ့ အချိန်မှာ တစ်ခါလောက် သတိထားကြည့်ပါ။ ဘယ်သူကမှ မိမိတို့ကို အထင်ကြီးတဲ့ မျက်စိနဲ့ မကြည့်သလို မိမိတို့ သိက္ခာတွေလည်း ဘယ်နှပြားဖိုးလောက် ကျန်ခဲ့မယ်ဆိုတာကို တွက်ကြည့်သင့်ပါတယ်။ မိမိတို့ (လူကြီး၊ လူလတ်) ကိုကြည့်ပြီး နောင်တက်လာမယ့် လူငယ်တွေကိုလည်း အတုယူမှားနေကြတယ် ဆိုတာကို ကိုယ်ချင်းစာပြီး သဘောပေါက် နားလည်ကြဖို့ လိုပါတယ်။ လက်ရှိကျွန်တော် ဒီပို့စ်ကို ရေးနေတဲ့ အချိန်မှာတောင် ကျွန်တော့် အနားမှာ ၁၅ နှစ် ၀န်းကျင် ကောင်မလေး တစ်ယောက် G-talk နဲ့ တဘက်က ယောက်ျားသား တစ်ယောက်ကို ဖွဲ့ဖွဲ့နွဲနွဲ့ ပြောနေတာကို ကြားနေရပါတယ်။ ဟုတ်ကဲ့၊ အားအားရှိ G-talk ချည်း ထိုင်နေကြတာနဲ့ ပတ်သက်ပြီး ဘယ်လို အကျိုးကျေးဇူးတွေ ရှိလာနိုင်မလဲ။ ဘယ်လိုပညာတွေ ရလာနိုင်မလဲ။ တွေးဆကြည့်ပေးကြပါ။

မြန်မာပြည်မှာ ဘလော့ဂါ မြောက်မြားစွာ ရှိကြပါတယ်။ အဲဒီ အထဲက ၉၈ ရာခိုင်နှုန်းလောက်ဟာ အကျိုးပြု ဘလော့ဂါတွေပါ။ အင်တာနက် စာမျက်နှာကနေ သူတို့ရဲ့ ဘလော့ဂ်ကို ၀င်ရောက် လိုက်မယ်ဆိုရင်ပဲ ကြည့်ရှုသူအတွက် အကျိုးရှိမယ့် အကြောင်းအရာတွေကိုပဲ ပေးတတ်ကြပါတယ်။ အနည်းဆုံး တစ်ခုလောက်တော့ ၀င်ရောက်သူတွေဘက်က ရသွားနိုင်ပါတယ်။ ကိုယ်သိထားတဲ့ ပညာတွေ၊ သတင်းအချက်အလက်တွေကို တွန့်တိုခြင်း မရှိပဲ ရက်ရက်ရောရော ပေးတတ်ကြပါတယ်။ အချင်းအချင်း ရိုင်းပင်းကြပါတယ်။ ကျူခြင်း၊ ငြူခြင်းကနေ ရှောင်ရှားကြပါတယ်။ ဘလော့ဂ်လောကထဲ စ၀င်လာဖို့ အတွက် စာရေးဆရာ တစ်ယောက် ဖြစ်ဖို့မလိုသလို၊ ဘလော့ဂ်ရေးဖို့ အတွက် ဘလော့ဂ်ကနေပဲ ပြန်လည် သင်ပေးသွားပါတယ်။ အိုင်တီပညာရှင်၊ ပရိုဂရမ်မာ မဟုတ်လည်း ဘလော့ဂ်ရေးဖို့ လွယ်ကူပါတယ်။ ဘလော့ဂ်ရေးခြင်းဖြင့် ကိုယ့်ရင်ဘတ်ကို လွတ်လွတ်လပ်လပ် ဖွင့်ဟနိုင်ပါတယ်။ အသိပညာတွေ တိုးပွားနိုင်ပါတယ်။ ဒါဆို ဘလော့ဂ်ဘယ်လို စရေးမလဲ။ Blogger.com ကတော့ အခုလောလောဆယ်မှာ ဘန်းထားပါတယ်။ ကျော်ခွရတဲ့ ဒုက္ခတွေနဲ့ ငြိတွယ်နိုင်ပါတယ်။ ဒါပေမယ့် နံမည်ကြီး Blog Platform တစ်ခုဖြစ်တဲ့ WordPress ကတော့ hosting လိုပါတယ်။ freehosting နဲ့ အသုံးပြု ဖန်တီးလိုသူတွေ အတွက် wordpress blog ပြုလုပ်နည်းကို ဒီလင့်က် မှာ သွားရောက်ဒေါင်းနိုင်ပါတယ်။ နောက်တစ်ခုကတော့ myanmarpress မှာလည်း ဖရီးဘလော့ဂ်တွေကို ၀န်ဆောင်မှုပေးပါတယ်။ အချိန်အနည်းငယ်လေး ပေးပြီး သွားရောက် လေ့လာကြည့်ပါ။ ဖန်တီးကြည့်ပါ။ Talking နဲ့ Blogging ရဲ့ ကွာခြားတဲ့ အရသာကို ခံစားသိရှိရပါလိမ့်မယ်။

ဒီပို့စ်လေးကို ဆက်လက်ရေးပေးဖို့ အတွက် မောင်ဥဂ္ဂါ၊ ကိုလင်းဦး၊ နတ်ဆိုးလေး၊ မိုးထက်အိမ်မယမင်းsosegado နဲ့ လက်လှမ်းမှီသလောက် ဘော်ဒါဘလော့ဂါတွေကို တဂ်ထားပါတယ် ခင်ဗျာ။