ကျွန်တော်နှင့် အိမ်ထောင်ရေး

for post

ကောင်မလေးရေ…

ငါ့ရင်ဘတ်ထဲမှာ မှန် တစ်ချပ်ရှိတယ်။
အဲဒီမှန်ထဲမှာ နင့်ရဲ့ ပုံရိပ်ပဲ အမြဲတမ်းပေါ်နေတယ်။

တကယ်လို့ နင်သာ…
ငါ့ကိုပစ်သွားလို့ ငါ့ရင်ကွဲသွားမယ်ဆိုရင်

ငါ့ရင်ဘတ်ထဲက အဲဒီမှန်တစ်ချပ်လည်း
ကွဲသွားလိမ့်မယ်။

ဒါပေမယ့်…
အဲဒီမှန်ပေါ်မှာ ထင်နေတဲ့
နင့်ပုံရိပ်ကတော့ ပျက်သွားမှာ မဟုတ်ဘူး။

မှန်ကွဲစတိုင်း၊ မှန်ကွဲစတိုင်းမှာ
နင့်ပုံရ်ိပ် တစ်ပုံစီ၊ တစ်ပုံစီ
တိုးလို့ ထင်နေမယ် ကောင်မလေးရယ်… ။

(ကျွန်တော့် ဘေးမှာ အမြဲတမ်း မငြီးမငြူ၊ ပါရမီဖြည့်ပေးတဲ့ ကျွန်တော့်ရဲ့ ချစ်ဇနီး ကို ဒီကဗျာလေး နဲ့ ရည်ရွယ်ပါတယ်။)

နောက်ပြီး (ကျွန်တော်နှင့် အိမ်ထောင်ရေး) ဆိုပြီး တဂ်လာတဲ့ မိုးသည်းည တဖြစ်လဲ ဘလော့ဂ်ဂါ ကျွန်တော် ကိုလည်း၊ ကျွန်တော့်ရဲ့ အိမ်ထောင်ရေးဟာ ဒီကဗျာထဲက အတိုင်း ဖြစ်တယ်ဆိုတာ အသိပေးအပ်ပါတယ်။

Advertisements

၁ နဲ့ င၊ ပ နဲ့ ဂ

for post2

ကျွန်တော့်ကို ကျွန်တော်က (၁) နဲ့ (င)၊ (ပ) နဲ့ (ဂ) လာပေးပါတယ်။ ကျွန်တော် လာပေးတဲ့ဟာကို ကျွန်တော်ကလည်း ကြည်ကြည် ဖြူဖြူ နဲ့ လက်ခံလိုက်ပါတယ်။ စောစောစီးစီး ရှင်းရှင်းလင်းလင်း ပြောထားချင်တာက ကျွန်တော်ဆိုတာကတော့ ကျွန်တော်ပါ။ ကျွန်တော်ကတော့ ကျွန်တော် မဟုတ်ပါဘူး။ ကျွန်တော်က ကျွန်တော့်ကို အဲဒီ (၁) နဲ့ (င)၊ (ပ) နဲ့ (ဂ) လာပေးတာပါ။ ကျွန်တော်က ပေးတဲ့သူပါ။ ကျွန်တော်ကတော့ လက်ခံယူထားတဲ့ သူပါ။ ဒီလောက်ဆိုရင် ရှင်းလိမ့်မယ်လို့ ထင်ပါတယ်။ ကျွန်တော်က ကျွန်တော့်ကို (၁) နဲ့ (င)၊ (ပ) နဲ့ (ဂ) လာပေးရင်း (၁) ဟာ (၁) ဖြစ်ကြောင်း၊ (င) ဟာ (င) ဖြစ်ကြောင်း ပြောပါတယ်။ ကျွန်တော်ကလည်း ကျွန်တော် ပြောတဲ့စကားကို (၁) ဟာ (၁) ဖြစ်ကြောင်း၊ (င) ဟာ (င) ဖြစ်ကြောင်း လက်ခံခဲ့ပါတယ်။ ဆက်လက်ပြီး ကျွန်တော်က ကျွန်တော့်ကို (ပ) ဟာ (ပ) ဖြစ်ကြောင်း၊ (ဂ) ဟာ (ဂ) ဖြစ်ကြောင်း ဆက်ပြောပါတယ်။ အဲဒီ ကျွန်တော်ပြောတဲ့စကားကို ကျွန်တော်က (ပ) ဟာ (ပ) ဖြစ်ကြောင်း၊ (ဂ) ဟာ (ဂ) ဖြစ်ကြောင်း ထပ်မံလက်ခံလိုက်ပါတယ်။ အဲဒါကို ကျွန်တော်က သူပြောတဲ့ (၁) ဟာ ကျွန်တော့်ရဲ့ (င) ဖြစ်ကြောင်း၊ သူပြောတဲ့ (င) ဟာ ကျွန်တော့်ရဲ့ (၁) ဖြစ်ကြောင်း ဆက်လက်ရှင်းပြပါတယ်။ အဲဒါကို ကျွန်တော်က ကျွန်တော့်ကို ကျွန်တော်ပြောတဲ့ (၁) ဟာလည်း ကျွန်တော့်ရဲ့ (၁) ပဲ ဖြစ်ကြောင်း၊ ကျွန်တော်ပြောတဲ့ (င) ဟာလည်း ကျွန်တော့်ရဲ့ (င) ပဲ ဖြစ်ကြောင်း ပြန်ပြောလိုက်ပါတယ်။ အဲဒါကို ကျွန်တော်က မဟုတ်ကြောင်း သူပြောချင်တာက သူပြောတဲ့ (၁) ဟာ ကျွန်တော့်ရဲ့ (င) ဖြစ်ကြောင်း၊ သူပြောတဲ့ (င) ဟာ ကျွန်တော့်ရဲ့ (၁) ဖြစ်ကြောင်း၊ သူပြောတဲ့ (ပ) ဟာ ကျွန်တော့်ရဲ့ (ဂ) ဖြစ်ကြောင်း၊ သူပြောတဲ့ (ဂ) ဟာ ကျွန်တော့်ရဲ့ (ပ) ဖြစ်ကြောင်း ဆက်လက်ရှင်းပြပါတယ်။ အဲဒီလို ကျွန်တော်က ကျွန်တော့်ကို ပြောလာတော့ ကျွန်တော်က …

ကျွန်တော်ပြောတဲ့ (၁) ဟာလည်း ကျွန်တော့်ရဲ့ (၁) ပဲ ဖြစ်ကြောင်း၊ ကျွန်တော်ပြောတဲ့ (င) ဟာလည်း ကျွန်တော့်ရဲ့ (င) ပဲ ဖြစ်ကြောင်း၊ ကျွန်တော်ပြောတဲ့ (ပ) ဟာလည်း ကျွန်တော့်ရဲ့ (ပ) ပဲ ဖြစ်ကြောင်း၊ ကျွန်တော်ပြောတဲ့ (ဂ) ဟာလည်း ကျွန်တော့်ရဲ့ (ဂ) ပဲ ဖြစ်ကြောင်း၊ ဘာမှ စိတ်ဝန်းကွဲစရာ မလိုကြောင်း ပြန်လည် ရှင်းပြလိုက်ပါတယ်။ အဲဒါကို ကျွန်တော်က သူပြောတဲ့ (၁) ဟာ ကျွန်တော့်ရဲ့ (င) ဖြစ်ကြောင်း၊ သူပြောတဲ့ (င) ဟာ ကျွန်တော့်ရဲ့ (၁) ဖြစ်ကြောင်း၊ သူပြောတဲ့ (ပ) ဟာ ကျွန်တော့်ရဲ့ (ဂ) ဖြစ်ကြောင်း၊ သူပြောတဲ့ (ဂ) ဟာ ကျွန်တော့်ရဲ့ (ပ) ဖြစ်ကြောင်းကို လက်ခံရမှာ ဖြစ်ကြောင်း၊ အဲဒါကို လက်မခံရင် ကျွန်တော်က ကျွန်တော့်ကို ပေးထားတဲ့ (၁) နဲ့ (င)၊ (ပ) နဲ့ (ဂ) ပြန်ယူသွားမှာ ဖြစ်ကြောင်း ခြိမ်းခြောက်လာပါတယ်။ ကျွန်တော်ကလည်း ကျွန်တော့်ဆီက အချောင်ရထားတဲ့ (၁) နဲ့ (င)၊ (ပ) နဲ့ (ဂ) ကို ပြန်ပေးဖို့ မဖြစ်နိုင်တဲ့ အတွက်၊ ကျွန်တော့်ကို ဒုတိယအကြိမ် ကျွန်တော့်ဘက်ကနေ ကျွန်တော်ပြောတဲ့ (၁) ဟာလည်း ကျွန်တော့်ရဲ့ (၁) ပဲ ဖြစ်ကြောင်း၊ ကျွန်တော်ပြောတဲ့ (င) ဟာလည်း ကျွန်တော့်ရဲ့ (င) ပဲ ဖြစ်ကြောင်း၊ ကျွန်တော်ပြောတဲ့ (ပ) ဟာလည်း ကျွန်တော့်ရဲ့ (ပ) ပဲ ဖြစ်ကြောင်း၊ ကျွန်တော်ပြောတဲ့ (ဂ) ဟာလည်း ကျွန်တော့်ရဲ့ (ဂ) ပဲ ဖြစ်ကြောင်း၊ ပြောပြနှစ်သိမ့်လိုက်ပါတယ်။ အဲဒါကို ကျွန်တော်က၊ ကျွန်တော့်ရဲ့ ဂုတ်ကိုကိုင်ပြီး သူပြောတဲ့ (၁) ဟာ ကျွန်တော့်ရဲ့ (င) ဖြစ်ကြောင်း၊ သူပြောတဲ့ (င) ဟာ ကျွန်တော့်ရဲ့ (၁) ဖြစ်ကြောင်း၊ သူပြောတဲ့ (ပ) ဟာ ကျွန်တော့်ရဲ့ (ဂ) ဖြစ်ကြောင်း၊ သူပြောတဲ့ (ဂ) ဟာ ကျွန်တော့်ရဲ့ (ပ) ဖြစ်ကြောင်း ထပ်မံငြင်းဆိုပါတယ်။ အဲဒါကို အဝေးတစ်နေရာကနေ ကြည့်ရင်း စပ်စပ်စုစု အနီးအနားရောက်လာတဲ့ နေ့အိပ်မက်ရယ်၊ ရွှေမြန်မာရယ်၊ မိုးထက်အိမ်ရယ်၊ အချစ်မဲ့ဂစ်တာရယ် က ကျွန်တော့်နဲ့ ကျွန်တော့်ရဲ့ အငြင်းပွားမှုကို ဖြေရှင်းပေးလိုက်ပါတယ်။ (အဟေးဟေး…….. ဆက်တဂ်လိုက်ပါပြီ)။

လမ်းပြဖို့ လမ်းပျောက်နေသူများ

netmaze

တစ်ခါတစ်ခါ စိတ်ထဲမှာ နည်းနည်း ယူကျုံးမရ ဖြစ်တာရှိတယ်ဗျာ။ အဲဒါကလည်း နိုင်ငံခြား ခရီးစဉ်တွေသွားပြီး အဲဒီမှာ ကြုံတွေ့ခဲ့ရတဲ့ အဖြစ်အပျက်တွေကြောင့်ပါ။ အဲဒီ အကြောင်းတွေကို ပြောပြလို့ ကျွန်တော့်ကို အမြင်တော့ မကတ် လိုက်ပါနဲ့။ နေရာတကာ လျှောက်ပြောနေတာပဲ ဆိုပြီးတော့လည်း အပြစ်မမြင်ပါနဲ့ဗျာ။ ကျွန်တော့် စိတ်ထဲက ဖြစ်ချင်တဲ့ ဆန္ဒလေးကလည်း ဘယ်လိုမှ တားမရလို့၊ နောက် မိတ်ဆွေ အပေါင်းအသင်းတွေကို တိုက်တွန်းချင်စိတ်ရှိလာလို့ ပြောရတာပါ။ ကျွန်တော် ဆော်ဒီ နိုင်ငံကို ရောက်တုန်းက ဆော်ဒီနိုင်ငံလေဆိပ်ကို ခြေချရင်ပဲ ဘင်္ဂလားဒေ့ရ်ှနိုင်ငံသားတွေရဲ့ ဘင်္ဂါလီစကားကို စကြားရပါတယ်။ အမှိုက်သိမ်း၊ သန့်ရှင်းရေး နဲ့ တောက်တိုမယ်ရ လူတွေအားလုံးဟာ ဘင်္ဂလားဒေ့ရှ် နိုင်ငံသားတွေချည်းပါပဲ။ အိန္ဒိယ၊ ပါကစ်စတန် နိုင်ငံသားတွေကတော့ အနည်းအကျဉ်းရှိပါတယ်။ ဒါက လေဆိပ်မှာပါ။ ကျွန်တော် မြို့တွင်းရောက်ပြီး၊ ဆော်ဒီနိုင်ငံမှာ နေထိုင်စဉ်ကာလ တစ်လျှောက်လုံးမှာ ဘင်္ဂါလီလူမျိုးတွေနဲ့ပဲ များသောအားဖြင့် ဆက်ဆံခဲ့ရပါတယ်။ ဘယ်နေရာရောက်ရောက်၊ ဘယ်နေရာကြည့်ကြည့် ဘင်္ဂါလီစကားတွေပဲကြားရတယ်။ ဘင်္ဂလားဒေ့ရှ် နိုင်ငံသားတွေပဲ တွေ့ရပါတယ်။ ကျွန်တော့်ရဲ့ ညံ့ဖျင်းမှုကြောင့်သာ ဘင်္ဂါလီစကား မတတ်ခဲ့တာပါ။ ကြားရပါများလို့ နည်းနည်းပါးပါးတောင် နားလည်ပါတယ်။ ကျွန်တော်သူတို့ကို မေးကြည့်ဖြစ်ပါတယ်။ ဘာလို့ခင်ဗျားတို့ လူမျိုးတွေ ဒီနိုင်ငံမှာ ဒီလောက်များတာလဲလို့။ သူတို့က ပြောပါတယ်။ ပထမတော့ အဆက်အသွယ် တစ်ခုနဲ့ တစ်ယောက်စ၊ နှစ်ယောက်စ ရောက်လာတယ်။ နှစ်နည်းနည်းကြာပြီး အဆင်လည်း ပြေလာတော့ ကျန်တဲ့ကျွန်တော်တို့ နိုင်ငံကလူတွေကို ပထမရောက်နေတဲ့ လူတွေက ဆက်သွယ်ခေါ်ယူတယ်။ အဲဒီလို ဆက်သွယ်ခေါ်ယူ လမ်းပြရင်းနဲ့ ကြာလာတော့ အခုလိုများလာတာပါ ဆိုပြီး ကျွန်တော့်ကို ရှင်းပြပါတယ်။ ဟုတ်ပါတယ်။ တစ်ချို့တစ်ချို့ဆို တစ်မျိုးလုံး တစ်ဆွေလုံး အဲဒီမှာ ရှိနေတာကို ကျွန်တော်တွေ့ရပါတယ်။ ဆော်ဒီမှာ နိုင်ငံခြားလူမျိုး အများဆုံးက ဘင်္ဂလားဒေ့ရှ် နိုင်ငံသားတွေပါ။ နောက်ပြီး ကာတာ၊ ဘာရိန်း တို့လို နိုင်ငံတွေမှာဆို အိန္ဒိယ၊ ပါကစ္စတန် နိုင်ငံသားတွေက နိုင်ငံခြားသားတွေထဲမှာ အများဆုံးပါ။ သူတို့လည်း အဲဒီလို ပထမလူက နောက်ပေါက်တွေကို ခေါ်ရင်းနဲ့ များလာရတာပါ။ ဟော…. ဒူဘိုင်းမှာဆို အိန္ဒိယနိုင်ငံသား ကရလာ လူမျိုးတွေက တော့်တော့်ကို များပါတယ်။ နေရာတကာ သူတို့စကားသံတွေပါပဲ။ ပိုစေရှင် ကောင်းတွေမှာ ပေါက်ပေါက်ရောက်ရောက် လူတွေအဖြစ် ရှိသလို တောက်တိုမယ်ရ လူတွေလည်း သူတို့လူမျိုးတွေ ရှိပါတယ်။ အာရဗ်တွေထက်တောင် ဦးရေများမယ်လို့ ထင်ပါတယ်။ သူတို့ဘာသာစကားနဲ့တောင် သတင်းအပါအ၀င် တခြားအစီအစဉ်တွေကို ဒူဘိုင်းနိုင်ငံမှာ လွှင့်ပေးပါတယ်။ ကျွန်တော်တို့ ဟော်တယ်မှာလည်း ၈၀ ရာခိုင်နှုန်းက ကရလာ အလုပ်သမားတွေပါ။ သူဌေးကလည်း ကရလာ လူမျိုးပါပဲ။ ကျွန်တော်တောင် ကံကောင်းလို့ ဗမာတစ်ဦး ပါလာတာပါ။ ကျွန်တော့်အထင် ကရလာ တွေပဲ အလုပ်ခန့်ချင်တယ် ထင်ပါတယ်။ ကျွန်တော် စဉ်းစားကြည့်တော့ …

သူတို့တွေဟာ နိုင်ငံခြားမှာ လမ်းတစ်ခုပွင့်လို့ အဆက်အသွယ် ကောင်း တစ်ခုရပြီ ဆိုရင် သူတို့ နိုင်ငံက လူမျိုးတွေကို လက်တွဲခေါ်ယူပါတယ်။ အလုပ်အကိုင်တွေ ရှာပေးပါတယ်။ လမ်းပြပါတယ်။ ကူညီပါတယ်။ ဒီလိုနဲ့ သူတို့တွေ အချင်းချင်း ညီညွတ်ပြီး နိုင်ငံခြားနိုင်ငံတွေမှာ သူတို့လူမျိုးတွေ များပြားလာရပါတယ်။ ကျွန်တော်တို့ မြန်မာတွေလည်း နိုင်ငံခြား နိုင်ငံတွေမှာ အသီးသီး ရှိနေကြပါတယ်။ ဒါပေမယ့် ဘယ်နိုင်ငံမှာမှ မြန်မာလူမျိုးတွေ တော်တော်များများ ရှိတယ်၊ အုပ်စိုးထားတယ် ဆိုပြီး မကြားမိပါဘူး။ မလေးရှားမှာတော့ ရှိပါတယ်။ ဒါကလည်း နယ်စပ်က ခိုးသွားပြီ အိုဗာစတေးနဲ့ ဟိုပြေးဒီပြေး နေနေရတဲ့ သူတွေလောက်သာ ရှိတာပါ။ နိုင်ငံကြီး နိုင်ငံကောင်းတွေမှာ စောစောစီးစီ ရောက်ပြီး အဆင်ပြေ လမ်းပွင့်နေတဲ့ ကျွန်တော်တို့ မြန်မာလူမျိုးတွေဟာ နောက်ပေါက် လူတွေကို ခေါ်ယူလမ်းပြဖို့ ကြောက်ရွံ့ကြပါတယ်။ တစိမ်းကို ခဏထား၊ ကိုယ့်ဆွေမျိုးသားချင်းကို တောင် ခေါ်ဖို့ တော်တော့်ကို ၀န်လေးပါတယ်။ ဒါ ကျွန်တော်တို့ ဗမာတွေပါ။ ဒီလိုဆို ကျွန်တော်တို့တွေ ဘယ်လိုတိုးတက်မလဲ။ ဘယ်လို နိုင်ငံခြား အတွေ့အကြုံတွေ တိုးပွားမလဲ။ သူများတွေကို ဘယ်လို ကျော်တက်မလဲ။ ဒါဟာ စဉ်းစားစရာပါ။ ကျွန်တော်လည်း စဉ်းစားနေပါတယ်။ အစ်ကိုတို့ အစ်မတို့လဲ စဉ်းစားပေးကြပါ။