ကိုယ်ယုံကြည်ရာ

for blog

ကောင်မလေးရေ………..
ငါတို့နှစ်ယောက်ကို ဆုံစည်းစေခဲ့တဲ့
အရှင့်ကို ငါပထမဆုံး ယုံကြည်တယ်။
အဲဒီလို ဆုံစည်းစေမယ့် ငါတို့ရဲ့ နှဖူးစာကို
အစောကြီးကတည်းက ရေးသားပေးခဲ့တဲ့
အဲဒီအရှင့်ကိုပဲ ငါဒုတိယ ယုံကြည်တယ်။
ငါတို့ဘ၀ရဲ့ အကောင်းအဆိုး အားလုံး
အဲဒီ အရှင့်အလိုတော်အတိုင်းပဲ ဖြစ်မယ်ဆိုတာကိုလည်း
ငါတတိယ အနေနဲ့ ယုံကြည်တယ်။
ငါတို့ရဲ့ မျှော်လင့်ချက်တွေအတွက်၊
ဘယ်လိုမှ ပြောင်းလဲလို့ မရတဲ့ နဖူးစာကို
ငါတို့ရဲ့ ခိုင်မာတဲ့ ဆုတောင်းတွေနဲ့
ပြောင်းလဲသွားစေမယ် ဆိုတာကိုလည်း
ငါ စတုတ္ထအနေနဲ့ ယုံကြည်တယ်။
သူ့ဟာသူ တောက်လျှောက်ခုန်နေတဲ့
ငါ့ရင်ဘတ်ထဲက သွေးတုံးတစ်ခုဆီကနေ…
နင့်အတွက်ချည်းသက်သက်
ငါသေမယ့် တစ်နေ့အထိ
အချစ်တွေ ထွက်လာမှာကိုလည်း
ယုံကြည်တယ် ကောင်မလေးရယ်။

(မိုးထက်အိမ် တဂ်လာတဲ့ ကိုယ်ယုံကြည်ရာ ဆိုတဲ့ တဂ်ပို့စ်လေးပါ။ အများကြီးရေးဖို့ အားခဲထားတဲ့ အကြောင်းလေး ရှိပါတယ်။ ဒါပေမယ့် ဒီကဗျာလေးကို ရေးချင်စိတ်များနေတာရယ်၊ အမြန်တင်ချင်တဲ့ စိတ်ရယ်ကြောင့် ဒါလေးကိုပဲ တင်ဖြစ်လိုက်ပါတယ်။)

အန်းတားသည် ဘလော့ဂ်ဂင်း

Photobucket

ဘလော့ဂ်ရေးဖော် သူငယ်ချင်းတွေနဲ့ အတူတူ ကျွန်တော် ဘလော့ဂ်ဘက်ကို လာခဲ့ဖို့ ဖိတ်ခေါ်ပို့စ်လေးကို ရေးခဲ့ပြီးပါပြီ။ ဒီပို့စ်လေးကို ဖတ်မိပြီး ဘလော့ဂ်ဂင်းဘက်ကို စိတ်ပါဝင်စားသူ ရှိသလို၊ ဖာသိဖာသာ နေသွားတဲ့ သူတွေလည်း ရှိမှာပါ။ တဂ်ပို့စ်ကို ရေးပေးခဲ့တဲ့ သူငယ်ချင်းတွေ အားလုံးကတော့ သူတို့နည်း သူတို့ဟန်နဲ့ သူတို့ရဲ့ သူငယ်ချင်း အပေါင်းသင်းတွေကို ဘလော့ဂ်ဂင်း ဘက်ကို ထပ်ပြီး ဖိတ်ခေါ်နေလောက်ပါပြီ။ ဒါပေမယ့် ကျွန်တော့်ရဲ့ ညံ့ဖျင်းချက်ကတော့ ဘလော့ဂ်ဘက်ကို လာဖုိ့သာခေါ်တဲ့ ပို့စ်ကိုရေးပြီး ဘယ်လိုဘလော့ဂ်ကို ဖန်တီးရမယ် ဆိုတာကိုတော့ ညွှန်ပြဖို့ မေ့ခဲ့မိပါတယ်။ ဒါကြောင့်မို့ ဘလော့ဂ်ဂင်း ကို စိတ်ဝင်စားမယ့် သူငယ်ချင်းတွေအတွက် လမ်းညွှန်မှုလေးတွေ ပေးချင်ပါတယ်။
ကျွန်တော် ဘလော့ဂ်ကို စစချင်း byethost မှာ လုပ်ခဲ့တာပါ။ ကိုသင်္ကြန်ရဲ့ အီးဗုက်ထဲက အတိုင်းပါပဲ။ ဒါပေမယ့် နောက်ပိုင်းမှာ byethost က hosting နဲ့ ပတ်သက်ပြီး အဆင်မပြေမှုတွေ၊ စိတ်မချရတာတွေ ရှိလာပါတယ်။ ခဏခဏ hosting ပြုတ်ကျပါတယ်။ ကျွန်တော်ရဲ့ zox-netmaze.iblogger.org ကို အဲဒီမှာ လုပ်ခဲ့တာပါ။ ကျွန်တော့်ရဲ့ ပထမဦးဆုံး ဘလော့ဂ်ပါ။ အဲဒီ ဘလော့ဂ်လေးကို ရေးနေရင်း တန်းလန်းမှာပဲ ကျွန်တော် mmnetmaze.co.cc ကို webhost နဲ့ co.cc အားကိုးနဲ့ ကိုသင်္ကြန်ရဲ့ အီးဗုက် အသစ်အတိုင်း၊ သူရဲ့ လမ်းညွှန်မှုနဲ့ ထပ်မံ တည်ဆောက်ခဲ့ပါတယ်။ အစပိုင်းမှာတော့ တော်တော် အဆင်ပြေခဲ့ပါတယ်။ ဒါပေမယ့် ဆရာကိုသင်္ကြန်ရဲ့ သတိပေးချက်အရ co.cc free domain အဖွဲ့ကနေ လူလည်ကျမှုတွေကို ကြားသိခဲ့ရပါတယ်။ မိတ်ဆွေ အပေါင်းအသင်းတွေရဲ့ တဆင့်စကား၊ တဆင့်နားနဲ့ free hosting တွေရဲ့ အာမခံမဲ့ အဆင်မပြေမှုတွေကို သိလာရတဲ့နောက် ကျွန်တော်လည်း တော်တော်ခေါင်းခြောက်ခဲ့ရပါတယ်။ ဒီလိုနဲ့ပဲ ကျွန်တော် myanmargenius ကို စတင်သိကျွမ်းခွင့် ရခဲ့ပါတယ်။ ဒါလည်း ကိုသင်္ကြန်ရဲ့ mmwordpress က လမ်းညွှန်မှုကြောင့်ပါပဲ။ မြန်မာတွေ အချင်းချင်း ၀န်ဆောင်မှုပေးတယ်။ အခမဲ့ ဘလော့ဂ်ပိုင်ဆိုင်မှုရမယ်။ အာမခံချက် ရှိတယ်ဆိုပြီး ကြားသိရတဲ့နောက် ကျွန်တော် mmgenius ကို ခုန်ကူးခဲ့ပါတယ်။ ဟုတ်ပါတယ်။ ကျွန်တော် စသုံးခဲ့တဲ့ အချိန်ကနေစပြီး အခုအချိန်အထိ အစစ အရာရာကို mmgenius မှာ လွယ်ကူခဲ့ပါတယ်။ ဘလော့ဂ်လုပ်လိုသူ မည်သူမဆို http://www.myanmargenius.com မှာ Register လုပ်ပြီး Blog Invitation မှာ မိမိမေးလ်ကို ပေးပြီး ဘလော့ဂ်တောင်းခံပါ။ Reply မေးလ် လက်ခံရရှိချိန်မှ စပြီး အဆင့်ဆင့် Fill up ပြုလုပ်၊ ဘလော့ဂ်တိုင်တယ်လ် ရွေးကာ ဘလော့ဂ်တစ်ခုကို အမြန်ဆုံး ပိုင်ဆိုင်နိုင်မှာဖြစ်ပါတယ်။ အားလုံးပဲ လှပတဲ့၊ အကျိုးဖြစ်ထွန်းမယ့် ဘလော့ဂ်တွေ ပိုင်ဆိုင်နိုင်ပါစေ။

ဂျီတော့ခ်ချည်း သုံးနေမယ့်အစားလာ့ဂ်တင်ပါလား။

Photobucket

ဘယ်သူ့ကိုမှတော့ ထိခိုက်စေချင်တဲ့ ဆန္ဒမပါပါဘူး။ အကြံအပေးအယူနဲ့ ဖိတ်ခေါ်ချင်တဲ့ စိတ်ကလေးကြောင့်ပါ။ ပတ်ဝန်းကျင်မှာ တွေ့နေရတဲ့ အချို့အချို့ဖြစ်ရပ်တွေကို ကြည့်ပြီး သက်ပြင်းလည်း ခဏခဏချမိလို့ပါ။ ကျွန်တော်တင်ခဲ့တဲ့ ပို့စ်အဟောင်းလေးက အကြောင်းအရာလည်း အပါအ၀င်ပါပဲ။ ဂျီတော့ခ် ချက်တင်နဲ့ ပတ်သက်ပြီး ဆွေးနွေးချင်လာလို့ပါ။ အခုနောက်ပိုင်းမှာ အင်တာနက်ဆိုင်တွေ ကျွန်တော်တို့ နိုင်ငံမှာ ပွထလာပြီး ဂိမ်းဆိုင်လေးတွေတောင် တော်တော်မှေးမှိန်သွားပါတယ်။ လူငယ်ယောက်ျားလေး နည်းနည်းပါးပါးလောက်ပဲ ဂိမ်းဆော့ကြတာ တွေ့ရတယ်။ တော်တော်များများက အင်တာနက်ဆိုင်ကို ရောက်နေကြပါပြီ။ အင်တာနက်နဲ့ နီးစပ်မှု ရှိလာတာ ကောင်းပါတယ်။ ယူတတ်ရင် အင်တာနက်ကနေ အများကြီးရတတ်ပါတယ်။ အသိပညာ၊ ဗဟုသုတ၊ စီးပွားရေးဆိုင်ရာ ကိစ္စ၊ အလုပ်အကိုင် အခွင့်အရေး အားလုံးလိုလို အင်တာနက်မှာ ရနိုင်ပါတယ်။ ဒါပေမယ့် များသောအားဖြင့် အခုခေတ်လူငယ်တွေ သုံးနေတဲ့ အင်တာနက်က ဘာအတွက် အဓိကဖြစ်နေလဲ။ ကျွန်တော် အင်တာနက်ဆိုင်ကို ရောက်တိုင်း မိန်းကလေး၊ ယောက်ျားလေး အားလုံးလိုလို အင်တာနက်ဆိုင်မှာ ထိုင်ပြီး ချက်တင်ချည်း သုံးနေတာတွေ့ရပါတယ်။ ပန်းခြံမှာတောင် ကျယ်ကျယ်မပြောရဲတဲ့ စကားတွေကို အင်တာနက်ဆိုင်မှာ ပေါ်တင် စိတ်လွတ်ကိုယ်လွတ် ပြောလာတာကို ကြားရပါတယ်။ တချို့တချို့ဆို ကျောင်းစိမ်းအင်္ကျီလေးတွေနဲ့ ” ကိုယ်က ဘယ်ကလဲ၊ မ ကဘယ်ကလဲ၊ တို့က ပဲခူးကလေ ” ဆိုပြီး ရန်ကုန်မှာ ထိုင်ရင်း ပြောတတ်လာပါတယ်။ အရွယ်မရောက်သေးတဲ့ သူတွေ ချက်တင်မှာပဲ သူတို့ကိုယ်တိုင် မမြင်ဖူးသေးတဲ့သူတွေနဲ့ ချစ်သူတွေ ဖြစ်နေကြပါတယ်။ အခုမှ ခုန်ဖို့အားယူနေတဲ့ သူတို့နှလုံးသားတွေ စောစောစီးစီး အားတွေကုန်နေရပါတယ်။ ကျွန်တော် ကြုံဖူးပါတယ်။ ဂျီတော့ခ်ကို သုံးပြီး ၄ နှစ်လောက် ချက်တင်ထိုင်နေတဲ့ သူတစ်ဦးဟာ Google ကနေ image ကိုကလစ်နှိပ်ပြီး ဓါတ်ပုံ မရှာတတ်သေးပါဘူး။ သူအင်တာနက် သုံးခဲ့တဲ့ လေးနှစ်တာ သက်တမ်းဟာ ဂျီတော့ခ် Sign in, Sign out ဆိုတဲ့ အသိပညာတစ်ခုကိုပဲ ပေးနိုင်ခဲ့ပါတယ်။ ကျွန်တော် နိုင်ငံခြားမှာ ရှိနေတဲ့ အချိန်မှာ ပေါက်ကရ ပညာရှင်တချို့ရဲ့ အစွမ်းတစ်ခုကို ကြုံခဲ့ရဖူးပါတယ်။ ဒူဘိုင်းက အင်တာနက်ဆိုင် တစ်ဆိုင်မှာပါ။ မိန်းကလေး တော်တော်များများ ခံလိုက်ရပါတယ်။ VZO ကို အသုံးချခဲ့တာပါ။ ဖြစ်ပုံကို ပြောပြပါမယ်။

အဲဒီ သူတွေက မိန်းကလေးလို့ ထင်ရတဲ့ ယူဇာနိမ်းတွေကို အင်ဗိုက်လုပ်ပါတယ်။ ဒီဘက်ကလက်ခံလိုက်ပြီဆိုရင် တဆက်တည်း call ပါတယ်။ ဒီဘက်က လူက အဲဒီ call ကိုလက်ခံလိုက်ပြီ ဆိုတာနဲ့ webcam ကနေ အသုံးပြုသူရဲ့ ပုံမပေါ်လာပဲနဲ့ (ညစ်ညမ်း ဗွီဒီယို) ကား ပေါ်လာပါတယ်။ ပြန်ပိတ်လို့လည်း မရပါဘူး။ ဒါကလည်း ဆော့ဖ်ဝဲရ် တစ်ခုကို သုံးပြီး နှောင့်ယှက်တာပါ။ စကားစပ်မိလို့ ပြောတာပါ။ (ဘယ်တောင် ရောက်သွားလဲ မသိဘူး)။ ဒီလိုပဲ ချက်တင်ကနေ လူရောင်းစားတာတို့ ငွေလိမ်တာတို့ ခဏခဏ ကျွန်တော်ပြည်ပမှာ ကြားဖူးပါတယ်။ ကျွန်တော်တို့ နိုင်ငံမှာလည်း တစ်ခုစ နှစ်ခုစ ဖြစ်လာပါပြီ။ တချို့တချို့ မိန်းကလေးတွေ အင်တာနက်မှာဖြစ်သွားတဲ့ ချစ်သူကို ပေါ်ပေါ်ထင်ထင် ပိုက်ဆံချေးတတ်လာပါပြီ။ ယောက်ျားလေးတွေကလည်း webcam ကနေ မျက်နှာမပြရင်နေ၊ တခြားတစ်ခုက ပြဖို့ တောင်းဆိုလာပါပြီ။ ကျွန်တော် ဘယ်သူ့ကိုမှ တိတိကျကျ မရည်ရွယ်ပါဘူး။ ချက်တင်ကို အကျိုးမရှိအသုံးချနေတဲ့ သူတွေအတွက် ပြောပြနေတာပါ။ အပျင်းပြေကနေ တစိုက်မတ်မတ် ငြိမသွားဖို့တော့ ဂရုပြုကြဖို့လိုပါတယ်။
ကျွန်တော် ဘလော့ဂ်နဲ့ ပတ်သက်ပြီး တော်တော်ရူးသွပ်ခဲ့ပါတယ်။ မိတ်ဆွေတော်တော်များများကို မေးခဲ့ပေမယ့် တိတိကျကျ ညွှန်ပြမှု မရခဲ့ပါဘူး။ တစ်ချိန်မှာတော့ royal myanmar က အစ်ကိုက ကျွန်တော့်ကို ဘလော့ဂ်လုပ်နည်း အီးဗုက်တစ်ခု ပေးပါတယ်။ ကိုစေတင်ဂေါ့တ် ရဲ့ စာအုပ်လေးပါ။ blogspot အတွက်ပါ။ ဒါပေမယ့် အဲဒီအချိန်မှာ မြန်မာနိုင်ငံရဲ့ ကော်နက်ရှင်ကလည်း တော်တော်ဆိုး၊ ဘန်းတဲ့ ပြသနာတွေကလည်းရှိ၊ အနီးကပ်ပြသပေးမယ့် ဆရာကလည်း မရှိတော့ ကျွန်တော် အထမမြောက်ခဲ့ပါဘူး။ ဒီလိုနဲ့ ကျွန်တော် သားဖြိုးနဲ့ ဆုံခဲ့ပါတယ်။ သားဖြိုးက ကျွန်တော့်ကို wordpress အတွက် လမ်းညွှန်ပေးပါတယ်။ ကိုသင်္ကြန်ရဲ့ အီးဗုက်ပေးပါတယ်။ အနီးကပ်ပြသပေးပါတယ်။ အစပိုင်းမှာ အခက်အခဲတွေနဲ့ ကြုံရပေမယ့် သူ့ရဲ့ အနီးကပ် ပြသပေးမှုတွေကြောင့် ကျွန်တော် wordpress နဲ့ ဘလော့ဂ် အထမြောက်ခဲ့ပါတယ်။ ကျွန်တော့်ရဲ့ လုပ်ငန်းလေးတစ်ခု ဖြစ်တဲ့ (ကျောက်ပန်းချီ) လုပ်ငန်းအတွက် ဘလော့ဂ်တင်ပါတယ်။ အစပိုင်းမှာတော့ အခက်အခဲတွေ၊ နားမလည်မှုတွေ၊ မှားယွင်းမှုတွေ အများကြီးကြုံရပေမယ့် သားဖြိုးရဲ့ ကူညီပြသပေးမှုရယ်၊ ကိုယ်ကိုယ်တိုင်က ၀ါသနာပါလွန်းတဲ့ အတွက် မဖြစ်မနေ ကြိုးစားအားထုတ်မှုရယ် ပေါင်းစပ်ပြီး နောက်ပိုင်းမှာ ကျွန်တော် လွယ်ကူမှုတွေ ရခဲ့ပါတယ်။ ဘလော့ဂ်နဲ့ ထိတွေ့မှုနောက်ပိုင်းမှာ အဲဒီဘလော့ဂ်ကနေပဲ အသိပညာတွေ အများကြီးကို ရရှိခဲ့ပါတယ်။ စီးပွားရေး အဆက်အသွယ်တွေ ရရှိခဲ့ပါတယ်။ ယောင်တောင်တောင် ဟိုမေးဒီမေး ခေါင်းကုတ်ပြီး သင်ပြပေးသူ တစ်ယောက်လောက်နဲ့ ဘလော့ဂ်စရေးခဲ့တဲ့ ကျွန်တော်ဟာ နောက်ပိုင်းမှာ အဲဒီဘလော့ဂ် လောကကနေပဲ ကူညီသင်ပြပေးသူ၊ အသိပညာ ဝေမျှသူတွေ မြောက်မြားစွာကို ရရှိခဲ့ပါတယ်။ ငွေမပေးရပဲ အခမဲ့ စိတ်ရှည်လက်ရှည် သင်ပြပေးတဲ့ အသိပညာ ကျောင်းတော်တွေကို လအနည်းငယ်အတွင်းမှာပဲ တွေ့ခဲ့ရပါတယ်။ ခံစားချက်ချင်းတူညီတဲ့ မိတ်ဆွေတွေကို ခက်ခက်ခဲခဲ မရှာရပဲ သိခွင့်ရခဲ့ပါတယ်။ လေးစားစရာ ပုဂ္ဂိုလ်တွေကို ဘလော့ဂ်စာမျက်နှာရဲ့ သူတို့ရေးသားထားတဲ့ စာလုံးတွေကနေ ရှုမြင်ခဲ့ရပါတယ်။ အဲဒီ ဘလော့ဂ်ကနေပဲ ကျွန်တော့်ရဲ့ computer knowledge ကို မြင့်တက်စေခဲ့ပါတယ်။ (ဘလော့ဂါအားလုံးလည်း ကျွန်တော်နဲ့ ထပ်တူ ဖြစ်လိမ့်မယ်လို့ မျှော်လင့်ပါတယ်)။ ကျွန်တော် အာမခံပါတယ်။ ဘလော့ဂ်လောက ထဲကို ရည်မှန်းချက် ကြီးကြီး နဲ့ ၀င်လာခဲ့ပါ။ ဇွဲ လေးနည်းနည်းလည်း ထည့်လာခဲ့ပါ။ ဘလော့ဂ်ကို ချစ်တဲ့ စိတ်လေးရှိရင် ဘလော့ဂ်ကလည်း ကိုယ့်ကို ပြန်ချစ်ပါလိမ့်မယ်။ မမျှော်လင့်ထားတဲ့ အသိပညာတွေကို သူက ပြန်ပေးပါလိမ့်မယ်။ ဆုံးရှုံးမှု တစ်ခုမှ မရှိစေရပါဘူး။ ကျွန်တော် အာမခံ ပါတယ်။ ကျွန်တော် ရဲရဲကြီးအာမခံပါတယ်။ အားလုံးပဲ ဂျီတော့ခ်ချည်း သုံးနေမယ့် အစား ဘလော့ဂ်တစ်ခုလောက် တင်ပါလားခင်ဗျာ။

ကျွန်တော်နှင့် Rainbow Hotel

Photobucket

အေးဗျာ။ ပြန်ရောက်တာလဲ နှစ်လကျော်လောက် ရှိပြီဆိုတော့ ကျွန်တော့်ဟိုတယ်နဲ့လည်း အဆက်အသွယ်က ပြတ်နေပြီ။ ဘာတွေဖြစ်လို့ ဘာတွေလုပ်နေလည်း ဆိုတာတောင် မသိတော့ဘူး။ မေးလည်း မမေးကြည့်ဖြစ်ဘူး။ နဂိုလိုပဲ အခန်းတွေအများကြီး vacant ဖြစ်နေတုန်းလား။ ဒါမှမဟုတ် Full Book နဲ့ လက်မလည်အောင် အခန်းတွေရောင်းနေရလား။ တခါတခါမှပဲ အလုပ်နဲ့ ပတ်သက်ပြီး တွေးကြည့်မိတော့တယ်။ ဒါကလည်း ကျွန်တော်ကိုယ်တိုင်က ဟိုတယ်လိုက်ဖ်ကို ၀ါသနာတော်တော် ပါလို့ပါ။ သူများတွေတော့ မသိဘူးပေါ့။ ဟိုတယ်လ် RECEPTIONIST ဘ၀ကို ကျွန်တော် တော်တော်နှစ်သက်တယ်ဗျ။ အဲဒီနေရာမှာ အလုပ်လုပ်ရတာ စိတ်ကျေနပ်ဖို့ ကောင်းတယ်။ (မိန်းမကို လွမ်းတဲ့ အချိန်တွေက လွဲရင်ပေါ့။) ဒူဘိုင်းမှာ အလုပ်လုပ်ပြီး တခြား POSITION တွေကလွဲရင် ကျွန်တော် ဒီအလုပ်မှာ ရှိနေတာကို ဂုဏ်ယူတယ်ဗျာ။ ကျွန်တော့်မှာက ဟိုတယ်လ်လိုက်ဖ် Experience မရှိခဲ့ဘူးဗျ။ ဒါပေမယ့် ကျွန်တော်ဒီပိုစေရှင်ကို စကားတတ်တဲ့ အကြောင်းခံတစ်ခုနဲ့ ရခဲ့တယ်ဆိုတော့ သူများတွေလောက်တော့ ကျွမ်းကျွမ်းကျင်ကျင် အစမှာမရှိခဲ့ဘူးပေါ့။ ဒါပေမယ့် ကျွန်တော်ကြိုးစားသင်ယူရင်း တခြားအလုပ်သမား၊ အထက်လူကြီးတွေနဲ့ အဆင်ပြေအောင် ပေါင်းရင်း ကျွန်တော် အချိန်တိုအတွင်းမှာပဲ တော်တော်ကို တိုးတက်ခဲ့ပါတယ်။ မြင်တယ်မဟုတ်လား။ အပေါ်က မီးတွေလင်းနေတာ ကျွန်တော်တို့ Dubai RAINBOW Hotel လေ။ ဖွင့်ပွဲနေ့က ဓါတ်ပုံပေါ့။

Photobucket

ဒူဘိုင်းမှာတော့ လူသိနည်းသေးတယ်ဗျ။ အဘူဒါဘီ မှာကတော့ မိန်း ဟိုတယ်ရှိတယ်လေ။ အဲဒီဟိုတယ်ကတော့ နေ့တိုင်း Full Book ပဲဗျာ။ အခန်းအားတယ်လို့ကို မရှိဘူး။ နံမည်လည်း ကြီးတယ်ဗျ။ ဟိုတယ်ကတော့ ခပ်သေးသေးပါပဲဗျာ။ ဒါပေမယ့်…

လူတွေက ဘာကိုကြိုက်တယ် မသိဘူး။ နေ့တိုင်းကို ပြည့်နေတာပဲ။ အဲဒီ အရှိန်နဲ့ ကျွန်တော်တို့ ဒူဘိုင်းဟိုတယ်ကို ဖွင့်တာပေါ့။ ဒူဘိုင်းဟိုတယ်ကတော့ 3 စတား အဆင့်ဆိုတော့ တော်တော် Facilities စုံတယ်ဗျာ။ ကြည့်ကြည့်ပါဦး။

Photobucket

Photobucket

Photobucket

Photobucket

Photobucket

Photobucket

Photobucket

Photobucket

အပေါ်ပုံကတော့ Sauna လေဗျာ။ ထမင်းစားချိန်မှာ တခါတခါ ကျွန်တော်တို့ ခိုးခိုးပြီး သွားနှပ်တဲ့ အခန်းပေါ့။ ဒူဘိုင်းရောက်လို့ ဟိုတယ်အခက်အခဲ ရှိရင် ကျွန်တော့်ကို ပြောပေါ့ဗျာ။ ဘော်ဒါအချင်းချင်း Discount ပေးပါ့မယ်။ ကျွန်တော့်ကိုတော့ Tips လေး၊ ဘာလေး ပေးခဲ့ပေါ့။ အဟေးဟေး………။

ဂျီတော့ခ် သုံးရင်း ရေနစ်ခဲ့သူတစ်ဦး အကြောင်း

Photobucket

တစ်နေ့ ကျွန်တော်တို့ ရုံးခန်းကို ကျွန်တော့်သူငယ်ချင်းရဲ့ မိတ်ဆွေ အန်တီတစ်ယောက် ရောက်လာပါတယ်။ သူ့လက်ထဲမှာ စာရွက်စာတမ်း တထပ်ကြီးကိုပါ ကိုင်ထားပါတယ်။ သူ့မျက်နှာကတော့ သိပ်မကောင်းဘူး ခင်ဗျ။

သူက ကျွန်တော်တို့ကို နှုတ်ဆက်စကားပြောပြီး သူ့လက်ထဲက ပါလာတဲ့ စာရွက်တွေနဲ့ ပတ်သက်တဲ့ အကြောင်းတစ်ခုကို ကျွန်တော်တို့ကို ပြောပြရင်း အကူအညီ တောင်းလာပါတယ်။ သူပြောပြတဲ့ အကြောင်းအရာကို ကျွန်တော်အရင် တင်ပြပါ့မယ်။

အားလုံးသိတဲ့ အတိုင်း ဒီကနေ့ မြန်မာနိုင်ငံမှာ ချက်တင် ယဉ်ကျေးမှု တော်တော်ခေတ်စားလာပါတယ်။ ရည်ရွယ်ချက် အမျိုးမျိုးနဲ့ ချက်တင်ကို သုံးစွဲကြပါတယ်။ အဲဒီအထဲမှာမှ မိန်းကလေး တစ်ယောက်ဟာ အားလုံးနည်းတူ ချက်တင်ကို နေ့စဉ်ဂရုတစိုက် သုံးစွဲပါတယ်။ သူ့ရဲ့ ချက်ဘောက်စ် သူငယ်ချင်းလစ် ထဲမှာ သူငယ်ချင်းပေါင်း မြောက်မြားစွာကို ထည့်ပြီး စကားပြောလေ့ရှိပါတယ်။ တစ်နေ့မှာ သူဟာ လူတစ်ယောက်နဲ့ ချက်တင်မှာ သူငယ်ချင်းဖြစ်ပါတယ်။ အဲဒီလူက နယ်သာလန် ကလို့ သူ့ကိုယ်သူ ပြောပါတယ်။ ပထမပိုင်းမှာတော့ အဲဒီမိန်းကလေးကို သမရိုးကျ မိတ်ဆက်ပါတယ်။ သူ့အပေါ်မှာ အထင်ကြီးအောင် စကားလှလှတွေကို ပြောပါတယ်။ ဒီလိုနဲ့ တစ်လနီးပါးကြာလာတဲ့ အချိန်မှာ အဲဒီမိန်ကလေးကို လက်ထပ်ခွင့် ဒါရိုက်တောင်းပါတယ်။ မိန်းကလေးက သူမမှာ ချစ်သူရှိကြောင်း ပြောပါတယ်။ ဒါပေမယ့် အဲဒီလူက သူ့ကိုယူရင် နယ်သာလန်ကို ခေါ်မှာဖြစ်ကြောင်း၊ နိုင်ငံသားလည်း ရမှာဖြစ်ကြောင်း စည်းရုံးပါတယ်။ နောက်ပြီး အဲဒီမိန်းကလေးရဲ့ လက်ရှိချစ်သူကိုလည်း ဖြတ်ဖို့တိုက်တွန်းပါတယ်။ မိန်းကလေးကလည်း ပြောရတော်တော်ခက်ပါတယ်။ အဲဒီလူ တိုက်တွန်းပြီး နောက်နေ့မှာပဲ သူ့ချစ်သူကို ….

အဲဒီမိန်းကလေးက ဖြတ်လိုက်ပါတယ်။ တဆက်တည်း အဲဒီလူရဲ့ လက်ထပ်ခွင့်တောင်းတာကို လက်ခံလိုက်ပါတယ်။ နယ်သာလန်က တော်တော် ဆွဲဆောင်မှုရှိပါတယ်။ အထင်ကြီးစရာ စကားတွေနဲ့ ဆွဲဆောင်ရင်း အဲဒီမိန်းကလေးကို အပျိုဟုတ်မဟုတ် မေးပါတယ်။ ကောင်မလေးကလည်း အပျိုဟုတ်ကြောင်း၊ ကျွန်မတို့ မြန်မာပြည်မှာ စုံတွဲတွေဟာ မင်္ဂလာမဆောင်ခင် ကျူးလွန်လေ့ မရှိကြောင်း ပြန်ရှင်းပြပါတယ်။ ဒီလိုနဲ့ အဲဒီလူက မိန်းကလေးကို ထိုင်းကို လာခဲ့ဖို့ ပြောပြီး သူ့မိတ်ဆွေ မိန်းကလေး တစ်ယောက်ရဲ့ လိပ်စာနဲ့ ဖုန်းနံပါတ်ကို ပေးပါတယ်။ ထိုင်းကို ရောက်ရင် အဲဒီမိတ်ဆွေက လာကြိုပြီး သူ့အိမ်မှာပဲ နေစရိတ်၊ စားစရိတ်ငြိမ်း နေထိုင်နိုင်ကြောင်း ပြောပါတယ်။ အဲဒီနောက်မှာမှ သူက နယ်သာလန်ကို လာဖို့ လေယာဉ်လတ်မှတ်နဲ့ ဗီဇာကြေးပို့ပေးမှာ ဖြစ်ကြောင်း ထပ်ပြောပါတယ်။ အဲဒီ မိန်းကလေးကလည်း အဲဒီလူ ပြောသမျှစကားတွေကို ယုံပြီး ကိုယ့်စရိတ် ကိုယ်စိုက်ထုတ်၊ ထိုင်းကို သွားလိုက်ပါတယ်။ သူသွားလိုက်တဲ့ နေ့က စလို့ အခုတစ်လကျော် ရှိသွားပါပြီ။ အဲဒီမိန်းကလေးရဲ့ သတင်းအစအနမကြားရတော့ပါဘူး။ သူမသွားခင် သူ့မေးလ် အကောင့်ကို သူ့ညီမကို ပေးခဲ့ပါတယ်။ အခုသူ့မေးးလ်ကို ဖွင့်ကြည့်ရင်လည်း အဲဒီလူရဲ့ အကောင့်က မရှိတော့ပါဘူး။ သူတို့လည်း အခုမှ ယူကြုံးမရ ဖြစ်ရပါတယ်။ ဘာမှ လုပ်လို့မရတော့ပါဘူး။

အစမှာ ပြောခဲ့တဲ့ အန်တီကိုင်ထားတဲ့ စာရွက်တွေဆိုတာ အဲဒီမိန်းကလေးနဲ့ နယ်သာလန်က လူ စကားပြောခဲ့တဲ့ Gtalk အစအဆုံး ချက်စာရွက်တွေပါ။ အဲဒီလူ ရေးသားတဲ့ အင်္ဂလိပ်စာ အရေးအသားဟာ မြန်မာနိုင်ငံက မူလတန်းကလေးရဲ့ အရေးအသားလောက်တောင် မရှိပါဘူး။ အဲဒါကိုတောင် အဲဒီမိန်းကလေးက နယ်သာလန် ကလို့ ပြောတာကို ယုံကြည်ခဲ့တယ် ဆိုတာ အံ့သြရပါတယ်။ ကျွန်တော်တို့ စုံစမ်းကြည့်ရသလောက် အဲဒီ မိန်းကလေးဟာ ထိုင်းက လူပွဲစားတစ်ယောက်ရဲ့ သွေးဆောင်ရောင်းစားခြင်းကို ခံလိုက်ရတာပါ။ စိတ်မကောင်းစရာပါ။ ကျွန်တော် ဒီပို့စ်ကိုတင်တာဟာ ကျွန်တော်တို့ မြန်မာနိုင်ငံရဲ့ ချက်တင် မမ တွေ စဉ်းစားဆင်ခြင်နိုင်ဖို့ ဖြစ်ပါတယ်။ အားလုံး အလည် မလွန်ကြဖို့ ဆုတောင်းလိုက်ပါတယ်။ လည်လွန်းတဲ့ ဘီးဟာ………………………။

မြှောက်နည်းမဟုတ်သော ပေါင်းနည်း။

Photobucket

ဒူဘိုင်းမှာပဲဖြစ်ဖြစ်၊ တခြားဘယ်နိုင်ငံမှာပဲဖြစ်ဖြစ် Hotel life အပါအ၀င် အလုပ်တိုင်းလိုလိုဟာ မန်နေဂျာရဲ့ လက်အောက်မှာပဲ လုပ်ကြရပါတယ်။ (အကုန်လုံးသိပြီးသားဟာကို)။ အဲလိုလုပ်ကြရတဲ့အခါမှာ ကိုယ့်အလုပ်ရဲ့မန်နေဂျာနဲ့ အဆင်ပြေသူတွေဟာ အခွင့်အရေးတွေလည်း ပိုရတတ်ကြပါတယ်။ အလုပ်မှာလည်း လွယ်ကူမှုရရှိကြပါတယ်။ များသောအားဖြင့် ကုမ္ပဏီတော်တော်များများမှာလည်း ကုမ္ပဏီရဲ့စီမံခန့်ခွဲမှုတွေကို ပိုင်ရှင်ထက် မန်နေဂျာကပဲ ပြုလုပ်လေ့ရှိပါတယ်။ ကျွန်တော်တို့ဟိုတယ်မှာလည်း ကိစ္စတော်တော်များများကို ကျွန်တော်တို့ဟိုတယ်သူဌေးထက် ဟိုတယ်မန်နေဂျာကပဲ တာဝန်ယူဆုံးဖြတ်လေ့ရှိပါတယ်။ ကျွန်တော်တို့ မန်နေဂျာနဲ့ စတင်တွေ့ဆုံပုံကို ကျွန်တော်တစ်ခေါက်ရေးပြဖူးပါတယ်။ အခုကျွန်တော်ပြောချင်တာက ကျွန်တော့် မန်နေဂျာကို ကျွန်တော်ဘယ်လို (ချုပ်) ခဲ့သလဲဆိုတာကိုပါ။ နိုင်ငံခြားမှာ အလုပ်လုပ်သွားလုပ်မယ့်သူများရှိရင် ကျွန်တော်နည်းလမ်းလေးက အထောက်အကူ ဖြစ်ကောင်းဖြစ်ပါလိမ့်မယ်။ အဟဲ။ ကျွန်တော် မန်နေဂျာနဲ့ စတင်သိကျွမ်းပြီးတဲ့ အချိန်ကစပြီး သူနဲ့ရင်းနှီးဖို့ ကျွန်တော်ကြိုးစားပါတယ်။ ဘာလို့လဲဆိုတော့ ကျွန်တော်တို့ ဟိုတယ်မှာက မြန်မာဆိုလို့ ကျွန်တော်တစ်ယောက်တည်း ရှိတာပါ။ ကျွန်တော့်မှာ တိုင်ပင်ဖေါ်၊ တိုင်ပင်ဖက်၊ အခက်အခဲရှိရင် အကူအညီတောင်းနိုင်မယ့်သူ ဆိုလို့ အနီးကပ်ဘယ်သူမှ မရှိဘူးဗျ။ လက်ရှိရှိနေတဲ့ စတဖ်တွေမှာလည်း ဘယ်သူကမှ အဆင်ပြေအောင် ပေါင်းလို့မရဘူးလို့လည်း ကျွန်တော်ကထင်နေတယ်။ စကားပြောရတာ သိပ်အစီးမကပ်ဘူးဗျ။ ဒါကြောင့် မန်နေဂျာနဲ့ ဆုံတဲ့အခါတိုင်းမှာ ကျွန်တော်သူ့ကို တရင်းတနှီး စကားပြောပါတယ်။ လေးလေးစားစား ဆက်ဆံပါတယ်။ ဖားတယ်လို့ မထင်အောင် အထူးဂရုစိုက်ပြီး နေပါတယ်။ (တခြားသူတွေ အမြင်ကတ်မှာ စိုးလို့)။ သူ့ဘက်ကလည်း ကျွန်တော့်အပေါ် ပထမပိုင်းမှာတော့ နည်းနည်းခပ်တန်းတန်းနေပါတယ်။ နောက်ပိုင်းမှာတော့ …

သူ့ဘက်ကလည်း ကျွန်တော့်ကို အရေးပေးစ ပြုလာပါတယ်။ ကျွန်တော်အပါအ၀င် ၀န်ထမ်း ၆ ယောက်နဲ့ မန်နေဂျာက တထပ်တည်းမှာ နေတာပါ။ မန်နေဂျာကတော့ တခြားတစ်ခန်းပေါ့။ မန်နေဂျာက အဆောင်အပြန် နောက်ကျပါတယ်။ အားလုံးက အလုပ်အပြီး အဆောင်ရောက်ရင် စောစောစီးစီး အိပ်ကြပါတယ်။ အဲလိုအခါမျိုးမှာ ကျွန်တော်က မန်နေဂျာ ပြန်အလာထိ စောင့်ပြီးနေပေးပါတယ်။ တံခါးဖွင့်ပေးပါတယ်။ သူ့ပစ္စည်း ဘာညာသာရကာ နည်းနည်းပါးပါးကို သယ်ပေးပါတယ်။ (စာရွက်စာတမ်းနဲ့ လက်ဆွဲအိတ်ပါ။) ကျွန်တော်လုပ်ပေးရတာက မဖြစ်စလောက်လေးပါ။ (ဒါပေမယ့် အဲလိုပြုမူပေးခြင်းအားဖြင့် နောင်တချိ်န်မှာ ရလဒ်ကောင်းတတ်ပါတယ်။ ) ဒီလိုနဲ့ သူကလည်း မနက်သူလမ်းလျှောက်ထွက်ပြီး ပြန်လာရင် ကျွန်တော့်ကို ကော်ဖီဝယ်ဝယ်လာတတ်ပါတယ်။ တခြား ကျွန်တော့်ထက် ပိုစေရှင် မြင့်တဲ့သူတွေ အများကြီးရှိပေမယ့် ကျွန်တော့်အပေါ်မှာ ပိုအရေးပေးလာပါတယ်။ တောင်းဆိုချက် တော်တော်များများကို အလွယ်တကူ ခွင့်ပြုပေးပါတယ်။ မတော်တဆ အမှားအယွင်းရှိခဲ့ရင် လျှော် ပေးပါတယ်။ များသောအားဖြင့် မြန်မာမှအပ တခြားနိုင်ငံတွေမှာ ဂုဏ်ပေးလေးစားခြင်းဆိုတာ မရှိသလောက်ရှားပါတယ် ခင်ဗျ။ ဒါကြောင့် ကျွန်တော်တို့ မြန်မာတွေအတွက် ဘာမဟုတ်တဲ့ လေးစားမှုလေးက တခြားနိုင်ငံသားတွေ အပေါ်ကြီးမားသွားစေ တတ်ပါတယ်။ အပြောအဆို အနေအထိုင်က အစပေါ့ဗျာ။ ကျွန်တော်ကြုံဖူးလို့ပါ။ ကျွန်တော်တို့ မန်နေဂျာကလည်း တော်တော် စိတ်သဘောထား ကောင်းတဲ့သူ တစ်ယောက်ပါ။ အပြောအဆိုတွေမှာ အပေါ်စီးက ပြောလေ့မရှိဘူးခင်ဗျ။ ဒါကိုကြုံရတဲ့ တခြားတခြားသော သူတွေက အချာဘင်ပါဆိုပြီး အခွင့်အရေးယူတတ်ပါတယ်။ ကျွန်တော်ကတော့ အနူတောက လူချောပေါ့ဗျာ။ မြန်မာတွေ ထုံးစံအတိုင်း သူ့အပေါ်တလေး တစား ဆက်ဆံပါတယ်။ ကျွန်တော့်မိုဘိုင်းလ် ထဲက နံမည်စာရင်းမှာ ကျွန်တော့်မန်နေဂျာကို Our good manager ဆိုပြီး ကျွန်တော်က နံမည်ရေးထားပါတယ်။ တစ်နေ့ ကျွန်တော်ပဲ ကံကောင်းတာလား၊ ဘာလားတော့ မသိဘူး။ ကျွန်တော့် မိုဘိုင်းလ်ဖုန်း ကြောင်သွားပါတယ်။ လိုင်းပျောက်လိုက်၊ အသံမထွက်လိုက်နဲ့ တော်တော်ဒုက္ခတွေ့ပါတယ်။ အဲဒါကို မန်နေဂျာနဲ့ စကားပြောရင်း စကားစပ်မိတော့ သူ့ကိုပြောပြလိုက်ပါတယ်။ အဲဒီ အခါမှာ သူက ပြစမ်း မင်းဖုန်းဆိုပြီး ကျွန်တော့် မိုဘိုင်းလ်ကို ယူကြည့်ပါတယ်။ ပြီးတော့ သူ့ဖုန်းနဲ့ခေါ်ပါတယ်။ ဖုန်းလိုင်း ၀င်သွားပြီး ခေါ်တဲ့သူနေရာမှာ ကျွန်တော် ထည့်ထားတဲ့ Our good manager ဆိုတာ ပေါ်လာပါတယ်။ အဲဒါကို မြင်သွားတဲ့ သူက စိတ်ထဲမှာတော့ ဒီကောင် ငါ့ကို တော်တော်ကြွေတာပဲ ဆိုပြီး ထင်သွားတယ် ထင်ပါတယ်။ အဲဒီနေ့ကစလို့ ပါချီပါချက် ကျွန်တော်ဟာ ၀န်ထမ်းတွေထဲမှာ မန်နေဂျာရဲ့ အရေးအပေးဆုံး သူတစ်ယောက်ဖြစ်လာပါတော့တယ် ခင်ဗျ။