သွေးစုပ်မခံရဖို့

Photobucket
ရောက်ပြီးကတည်းက အေဂျင်စီတွေနဲ့ ပတ်သက်ပြီး မကောင်းသတင်းတွေပဲ ကြားနေရတယ်ဗျာ။ ကျွန်တော့်မိတ်ဆွေ တစ်ယောက်ကလည်း အေဂျင်စီတစ်ခု ဖွင့်ထားတော့ ကျွန်တော်သူ့ဆီ တစ်ခါတစ်ခါ ရောက်သွားတဲ့ အချိန်တွေမှာ သူ့ဆီကနေ အဲဒီသတင်းတွေကို ကြားရတယ်။ တော်တော်များများ နာမည်ကြီး အေဂျင်စီတွေမှာ အလုပ်အပ်ပြီး လူလည်ကျသွားတာတွေ ခံလိုက်ရတော့ စိတ်ညစ်ညစ်နဲ့ ကျွန်တော့်မိတ်ဆွေဆီကို ရောက်လာကြတယ်ဗျာ။ အဲဒီမှာ သူတို့ပြောသမျှ အကြောင်းစုံကို ကြားရတာပေါ့ဗျာ။ ဖြစ်ပုံတွေကတော့ အဖုံဖုံပေါ့။ တစ်ချို့ နာမည်ကြီးအေဂျင်စီတွေမှာ နာမည်ကြီးနိုင်ငံနဲ့ လစာကောင်းကောင်းကို ကြော်ငြာပြီး အင်တာဗျူးအတွက် လူခေါ်တယ်။ အင်တာဗျူးကြေးကို အနည်းဆုံး ၅၀၀၀ ကနေအသီးသီးတောင်းကြတယ်။ လူတွေကတော့ လစာကိုမက်မောပြီး အလုအယက်သွားဖြေကြတာပေါ့။ ဖြေပြီးလို့မအောင်ဘူးဆိုရင် အဲဒီအင်တာဗျူးကြေးက အရှုံးပေါ့ဗျာ။ (တချို့တချို့ကျတော့ ဖြေဆိုသူအားလုံးကို မအောင်ဘူးဆိုပြီး ပြောပါတယ်။ အင်တာဗျူးကြေးတွေတော့ တော်တော်ရလိုက်ပါတယ်။) တကယ်တမ်း ကောင်းကောင်းမွန်မွန် ဖြေဆိုနိုင်တဲ့၊ အရည်အချင်းရှိသူတွေကိုကျတော့ ဘယ်နှရက်ကြာရင် ဗီဇာကျမယ်ဆိုပြီး ပြန်လွှတ်လိုက်ပါတယ်။ စရံငွေ နှစ်သိန်းလောက်ကို တောင်းထားလိုက်ပါတယ်။ သူတို့ချိန်းတဲ့နေ့ကိုရောက်လို့ သွားမေးတဲ့အခါမှာတော့ ဟိုဘက်အေဂျင်စီက ဘာဖြစ်လို့ ညာဖြစ်လို့ဆိုပြီး ထပ်ချိန်းပါတယ်။ ဒီလိုနဲ့ တချို့ဆို ၄၊ ၅ လအထိ ကြာသွားပါတယ်။ စိတ်မရှည်တဲ့၊ မစောင့်နိုင်တဲ့ သူတွေက စရံငွေကိုသွားပြန်တောင်း၊ အလုပ်ဆက်မလျှောက်ဘူး ပြောတော့ သူတို့က စရံငွေကို ချက်ချင်းပြန်မပေးနိုင်ကြောင်း၊ ဟိုဘက်ကို အကြောင်းကြားပြီးမှ သူတို့ဘက်က ပြန်လွှဲပေးမှ ရမည်ဖြစ်ကြောင်း ပြောလွှတ်လိုက်ကြပါတယ်။ ဒီလိုပုံစံမျိုးနဲ့ပဲ လူတော်တော်များများခံနေကြပါတယ်။ အေဂျင်စီဖွင့်၊ အင်တာဗျူးလုပ်၊ စရံငွေယူပြီး တော်တော်များများ လုပ်စားနေကြပါတယ်။ ကျွန်တော်တစ်ခု ပြောချင်တာက ဒူဘိုင်းတို့လိုနိုင်ငံကနေ အင်တာလာဗျူးရင် သူ့အတွက်(အင်တာဗျူးလာလုပ်တဲ့သူ) ကျွေးမွေးဧည့်ခံစရိတ်တော့ ကုမ္ပဏီက အနည်းအကျဉ်းကျခံရတာလွဲလို့ တခြားဘာမှမပေးရတတ်ပါဘူး။ စရံဆိုတဲ့ငွေကိုလည်း သူတို့ကိုမပေးရပါဘူး။ အဲဒီနိုင်ငံတွေက သူတို့စရိတ်နဲ့ပဲ လာခေါ်ကြတာပါ။ နောက်တစ်ခုက အင်တာဗျူးကြေးတောင်းပြီး အလုပ်ခေါ်တဲ့ အေဂျင်စီတွေမှာ ဘယ်တော့မှ အလုပ်မလျှောက်ပါနဲ့။ ဒူဘိုင်းကတော့ တစ်ခါတစ်လေ ဗီဇာအပလိုင်းလုပ်ချိန် တစ်လ၊ နှစ်လလောက်တော့ကြာတတ်ပါတယ်။ သူထက်ပိုမကြာပါဘူး။ နောက်တစ်ခု ကူဝိတ်အလုပ်တွေလည်း တော်တော်ခေတ်စားပါတယ်။ ကူဝိတ်ရဲ့ ဗီဇာအပလိုင်းချိန်ကတော့ နှစ်ပတ်ထက်ပိုမကြာပါဘူး။ သူ့ထက်ပိုကြာနေရင်တော့…………………….. (အေဂျင်စီ၊ (နာမည်ကြီးတွေလည်းပါတတ်ပါတယ်) တွေရဲ့ သွေးစုပ်ခံရခြင်းမှ ကင်းဝေးကြပါစေ။)

ဘယ်လိုပြောရမလဲ….

Photobucket

ရန်ကုန်ကို ရောက်ပြီးကတည်းက ကျွန်တော်လည်း ဘလော့ဂ်လေးကို ပစ်ထားမိတယ်။ အဓိက အကြောင်းကတော့ ရန်ကုန်က လိုင်းမကောင်းတာကြောင့်ပါ။ ဘယ်လိုမှ စိတ်ရှည်စရာ မကောင်းတဲ့ ကော်နက်ရှင်ကြောင့် ကျွန်တော့် ဘလော့ဂ်ကို ဖွင့်ကြည့်ဖို့ဆန္ဒမရှိဘူး ဖြစ်နေတယ်။ တစ်ခါတစ်ခါ စိတ်ကူးပေါက်လို့ ကိုယ်ဖီးလ်နဲ့ကိုယ် အားရပါးရရေး၊ ရေးပြီးလို့ publish လုပ်လဲလုပ်ရော စာတွေကတက်မလာ။ ကြိုးစားပန်းစားရေးထားတာတွေလည်း အကုန်ဘယ်ရောက်လို့ ဘယ်ရောက်ကုန်မှန်းမသိ။ ကော်နက်ရှင်ကို စိတ်နာလွန်းလို့ ကျွန်တော်လည်း ဘလော့ဂ်လေးကို ဖွင့်ကြည့်ရုံနဲတင် အဆုံးသတ်နေရပါတယ်။ တစ်ခါတစ်ခါတော့ ကျွန်တော်ဆရာသမား မောင် Breeze ဆီသွားပြီး သူ့စာတွေကိုဖတ်၊ သူ့ကိုနည်းနည်းပါးပါး ဒုက္ခပေးပြီး ကွန်ပျူတာကို ပိတ်လေ့ရှိပါတယ်။ တစ်ခါတစ်ခါ သူကလဲသူ့ကောင်မလေးနဲ့ ဖုန်းစကားပြောနေရင် ဂျီတော့က်ကနေ ပျောက်ပျောက်သွားပါသေးတယ်။ အဲ… ပြောရင်းနဲ့ဘယ်တွေရောက်ကုန်ပြီလဲ မသိဘူး။ အော်..ဟုတ်ကဲ့။ ကျွန်တော်ပြောချင်တာက ရန်ကုန်ရောက်ပြီး မကြာခင်မှာပဲ ကြားလိုက်ရတဲ့ သတင်းတစ်ခုပါ။ သတင်းကြားပြီးတော့ စိတ်မကောင်းတော့ ဖြစ်ခဲ့ရပါတယ်။ ရန်ကုန်မှာရှိတဲ့ အေးဂျင့်တစ်ခုက ဒူဘိုင်းနိုင်ငံအတွက် အလုပ်ရမယ်ဆိုပြီး လူတော်တော်များများကို ငွေတော်တော်များများ လိမ်ပြေးသွားတာပဲ။ တော်တော်များများ ခံလိုက်ရပါတယ်။ သူ့ဆီမှာ အလုပ်အပ်ထားတဲ့ လူတွေဆီက တစ်ယောက်ကို စရံငွေ (6) သိန်းဆီယူပြီး အပျောက်ရိုက်သွားတာပါ။ လူ (60) လောက်ခံလိုက်ရတယ်လို့ ကြားပါတယ်။ သူလုပ်သွားတဲ့ပုံစံကလည်း အတွေ့အကြုံမရှိတဲ့သူတွေအတွက် ဟုတ်မလိုလိုတော့ ထင်စရာပါ။ ဘာလို့လဲဆိုတော့ အလုပ်တင်ထားတဲ့သူတွေ အားလုံးကိုဗီဇာကျပြီဆိုပြီး ဗီဇာစာရွက်တွေထုတ်ပေးပါတယ်။ စရံငွေကိုယူပြီး မကြာခင်ဟိုဘက်က လေယာဉ်လတ်မှတ် ပို့ပေးမယ်၊ တစ်ရက် နှစ်ရက်စောင့်ပါဆိုပြီး ပထမစောင့်ခိုင်းပါတယ်။ လူတွေကလည်း ဗီဇာတောင်လက်ထဲ ရောက်နေပြီဆိုတော့ လတ်မှတ်အတွက် ၀မ်းပန်းတသာနဲ့ပဲ စောင့်တာပေါ့။ ဒီလိုနဲ့ပဲ တစ်ရက်၊ နှစ်ရက် ကနေ သုံးရက်၊လေးရက် ဒီလိုနဲ့ပဲ ကုမ္ပဏီပါပိတ်ပြီး ပြေးတော့တာပေါ့။ သူပြေးမှပဲ လူတွေကလည်း လိမ်ခံထိပါလား။ သူတို့ရထားတဲ့ ဗီဇာကြီးကအတုကြီးပါလား ဆိုပြီးသိရတော့တာပေါ့။ အဲဒီအကြောင်းကြားပြီး ကျွန်တော်တစ်ခုစဉ်းစားမိပါတယ်။ ဒူဘိုင်းကနေ အလုပ်ခန့်ပြီဆိုရင် ပထမအနေနဲ့ အလုပ်ကုမ္ပဏီက Employment Visa ကို ဒူဘိုင်းကနေပဲ ပို့ပေးပါတယ်။ အီးမေးလ်နဲ့သော်လည်းကောင်း၊ ဖက်စ်နဲ့သော်လည်းကောင်း မူရင်းဗီဇာရဲ့ ဖိုတိုကော်ပီအဖြူ၊ အမဲကိုပဲ ပို့တာပါ။ အဲဒီစာရွက်ကိုကိုင်ပြီး ဒူဘိုင်းလေဆိပ်အထိသွား၊ လေဆိပ်ရောက်မှ ဗီဇာချိန်းတဲ့နေရာမှာ မူရင်းနဲ့လဲရတာပါ။ ဒါကြောင့်မို့လို့ အဖြူ၊ အမဲဗီဇာစာရွက်ဟာ အတုလုပ်ချင်ရင် လုပ်လို့အရမ်းလွယ်ပါတယ်။ ဖိုတိုရှော့ပ်နဲ့ နံမည်လေးတွေ ကောက်ပြောင်းလိုက်ရုံပါပဲ။ တော်ပါသေးရဲ့ လို့ပြောလို့ ရမလား။ ဘာကိုလဲဆိုတော့ ကျွန်တော်အရှေ့ မှာပြောခဲ့တဲ့လူက အဲလိုဗီဇာအတုတွေ အများကြီးထုတ်မယ်ဗျာ။ လေယာဉ်လတ်မှတ်လည်း ၀ယ်ပေးလိုက်မယ်ဗျာ။ ပြီးတော့ ကျန်နေသေးတဲ့ အေးဂျင့်ဖီးစ်ကိုလည်း အကုန်ယူမယ်ဗျာ။ ပြီးတော့ အဲဒီလူတွေကို ဒူဘိုင်းကိုလွှတ်လိုက်မယ်ဗျာ။ အဲဒီလူတွေအားလုံး ဒူဘိုင်းလေဆိပ် ဗီဇာလဲတဲ့နေရာရောက်ရင်တော့ ဘာဆက်ဖြစ်မလဲ။ တွေးကြည့်ရင်တော့ ပဟေဠိတွေပဲရှိနေမှာပါ။ တော်ပါသေးရဲ့ လို့ပြောလို့ရမလား ခင်ဗျ။